Lifestyle / ક્યાંક તમે તો નકલી iPhone નથી ખરીદ્યો ને? આ રીતે 5 મિનિટમાં કરો ચેક

Appleના નવા iPhone 18 Pro અને iPhone 18 Pro Max ભારતમાં વેચાણ માટે ઉપલબ્ધ થઈ ગયા છે. જો તમે નવો iPhone ખરીદવાનું વિચારી રહ્યા છો, તો ફોન ખરીદ્યા પછી સૌથી પહેલાં તે અસલી છે કે નકલી તેની ચકાસણી કરવી ખૂબ જરૂરી છે. iPhones ખૂબ મોંઘા હોય છે, તેથી ભૂલથી નકલી અથવા ખોટું મોડેલ ખરીદી લેવાથી મોટું નુકસાન થઈ શકે છે. ખાસ વાત એ છે કે કેટલાક નકલી iPhone બહારથી એટલા જ Apple જેવા દેખાય છે કે પહેલી નજરે તેને ઓળખવો મુશ્કેલ બની જાય છે. એટલે માત્ર Appleનો લોગો, બોક્સ અથવા ફોનની ડિઝાઇન જોઈને વિશ્વાસ ન કરો. ફોનની સેટિંગ્સ, સોફ્ટવેર, કેમેરા, Siri, Serial Number અને IMEI સહિતની વિગતો તપાસવી જરૂરી છે. જો તમે સેકન્ડ હેન્ડ iPhone ખરીદી રહ્યા હોવ તો Parts અને Service History પણ તપાસવાનું ભૂલશો નહીં.

સૌથી પહેલાં ફોનની Settings

સૌથી પહેલાં ફોનની Settings તપાસો. ફોન ચાલુ કર્યા પછી Settings > General > Aboutમાં જાઓ. અહીં તમને ફોનનું Model Name, Model Number, Serial Number, IMEI, iOS Version અને Storage જેવી મહત્વની માહિતી મળશે. આ વિગતો ફોનના મોડેલ અને તેની ઓળખ વિશે જાણવામાં મદદ કરશે. જો ફોનમાં iPhoneના નામ હેઠળ કોઈ વિચિત્ર Interface જોવા મળે અથવા અલગ Operating System હોય તેવું લાગે તો સાવધાન થઈ જવું જોઈએ. આ નકલી ફોનની નિશાની હોઈ શકે છે.

ફોનના Box અને Packaging

આ સાથે ફોનના Box અને Packaging પણ ધ્યાનથી તપાસો. બોક્સની Printing, Apple Branding અને Packagingની Quality જુઓ. જો પ્રિન્ટ ઝાંખી હોય, કોઈ Textમાં ખોટી Spelling હોય અથવા બોક્સની Finish ઘસાઈ ગયેલી લાગે તો સાવધાન રહો. બોક્સ પર આપવામાં આવેલી માહિતીની ફોનની અંદરની વિગતો સાથે સરખામણી કરો. જોકે, માત્ર સારું Packaging જોઈને ફોન અસલી છે એવું માની લેવું નહીં. ફોન ચાલુ કર્યા પછી તેની અંદરની વિગતોની ચકાસણી કરવી સૌથી મહત્વની છે.

ફોનમાં ખરેખર iOS

ત્યારબાદ ફોનમાં ખરેખર iOS છે કે નહીં તે તપાસો. અસલી iPhone Appleની iOS Operating System પર ચાલે છે. Settings, App Store, Safari, FaceTime અને બીજી Apple Apps ખોલીને તે યોગ્ય રીતે કામ કરે છે કે નહીં તે જુઓ. કેટલાક નકલી ફોન બહારથી iPhone જેવા દેખાય છે, પરંતુ અંદરથી Android Operating System પર ચાલતા હોય છે. જો ફોનમાં Google Play Store અથવા Android સાથે જોડાયેલી સુવિધાઓ દેખાય તો આ મોટી ચેતવણી હોઈ શકે છે. Siri પણ એક સરળ ટેસ્ટ છે. Siri Appleનું Voice Assistant છે. તેને સક્રિય કરીને એક સરળ પ્રશ્ન પૂછો અને તે યોગ્ય રીતે કામ કરે છે કે નહીં તે જુઓ. જો Siriની જગ્યાએ કોઈ અલગ Assistant ખુલે અથવા Siri સામાન્ય રીતે કામ ન કરે તો ફોન અંગે વધુ તપાસ કરવી જરૂરી છે.

IMEI પણ ચોક્કસ

Serial Number અને IMEI પણ ચોક્કસ તપાસો. તેના માટે ફરી Settings > General > Aboutમાં જાઓ. અહીં ફોનનો Serial Number અને IMEI મળશે. જો ફોનનું બોક્સ તમારી પાસે હોય તો બોક્સ પર આપેલા નંબરની ફોનમાં દેખાતા નંબર સાથે સરખામણી કરો. જો બંને જગ્યાએ નંબર અલગ હોય તો ખરીદી કરતા પહેલાં વેચનારને તેનું કારણ પૂછો. આ નંબરો ફોનની ઓળખ સંબંધિત મહત્વની માહિતી આપે છે.

Camera પણ માત્ર ખોલીને ન જુઓ

ફોનનો Camera પણ માત્ર ખોલીને ન જુઓ, પરંતુ તેનો ઉપયોગ કરીને તપાસો. અલગ-અલગ ફોટા લો, વીડિયો રેકોર્ડ કરો અને જુદા Camera Modes અજમાવો. Focus, Photo Quality અને Video Recording પર ધ્યાન આપો. જો ફોનમાં એકથી વધારે કેમેરા હોય તો દરેક કેમેરાને અલગથી ટેસ્ટ કરો. કેટલાક નકલી અથવા Repair કરાયેલા ફોનમાં કેમેરા સેટઅપ બહારથી સાચો દેખાઈ શકે છે, પરંતુ તમામ કેમેરા યોગ્ય રીતે કામ કરતા ન હોય.

આ પણ વાંચો : ટપાલ વિભાગમાં ભરતી પડી છે, એ પણ વગર પરીક્ષાએ, 23757 જગ્યાઓ છે ખાલી

જો તમે Second Hand iPhone ખરીદી રહ્યા છો તો વધુ સાવચેતી રાખવી જરૂરી છે. ફોનના Parts and Service History તપાસો. તેનાથી ફોનમાં કોઈ Replacement Parts લગાવવામાં આવ્યા છે કે નહીં તેની માહિતી મળી શકે છે. એટલે iPhone ખરીદતી વખતે માત્ર ફોનના દેખાવ કે બોક્સ પર આધાર રાખશો નહીં. Settings, Software, Serial Number, IMEI, Siri અને Camera સહિતની તમામ મહત્વની બાબતો સારી રીતે તપાસ્યા પછી જ ખરીદીનો નિર્ણય લો. આ રીતે થોડી સાવચેતી રાખવાથી નકલી અથવા ખોટો iPhone ખરીદવાથી બચી શકાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ