ગ્રાફ / ભારતમાં અમીરોની સંખ્યા રોકેટ ગતિએ વધી, દેશમાં 8 લાખથી વધુ કરોડપતિ પરિવાર

ભારતમાં અમિરોનો ગ્રાફ ઝડપથી ઊંચો ચડી રહ્યો છે. મર્સિડીઝ-બેન્ઝ હુરુન ઈન્ડિયા વેલ્થ રિપોર્ટ 2025 મુજબ, હવે દેશમાં 8.71 લાખથી વધુ એવા પરિવાર છે, જેઓની સંપત્તિ 8.5 કરોડ રૂપિયા કે તેથી વધુ છે. રિપોર્ટ બતાવે છે કે 2021 પછી કરોડપતિ પરિવારોની સંખ્યા લગભગ 90% વધી ગઈ છે. 2017 થી 2025 વચ્ચે ભારતમાં સંપત્તિ ધરાવતા પરિવારોએ આશરે 445%નો વધારો નોંધાવ્યો છે. આ તેજી પાછળનો મુખ્ય આધાર છે – શેરબજારમાં ઉછાળો, નવા બિઝનેસ, સ્ટાર્ટઅપ્સ અને રાજ્યોની આર્થિક પ્રગતિ.

કરોડપતિઓના હબ – મુંબઈ, દિલ્હી અને ચેન્નાઈ

રાજ્યોમાં મહારાષ્ટ્ર ટોચે છે, જ્યાં 1.78 લાખ કરોડપતિ પરિવાર રહે છે. મુંબઈ તો દેશનુ કરોડપતિ કેપિટલ બની ગયું છે, અહીં 1.42 લાખથી વધુ સમૃદ્ધ પરિવાર છે. દિલ્હી બીજા ક્રમે છે, જ્યાં લગભગ 79,800 કરોડપતિ પરિવાર છે. તમિલનાડુમાં 72,600 કરોડપતિ પરિવાર છે. બેંગલુરુ, અમદાવાદ, પુણે, હૈદરાબાદ અને ગુડગાંવ પણ હવે કરોડપતિઓ માટે નવા હબ બની રહ્યા છે.

આ પણ વાંચો : US ફેડના નિર્ણયની અસર શેર બજાર પર, સેન્સેક્સ 83000ને પાર, નિફ્ટી પણ હાઇ જોશમાં

ભારત હજુ સુધી કરોડપતિઓની સંખ્યામાં ચીન કે અમેરિકા જેટલો મોટું નથી, પરંતુ વૃદ્ધિની ગતિ અદભુત છે. અંદાજ છે કે આગામી દસ વર્ષમાં ભારતમાં કરોડપતિ પરિવારની સંખ્યા 17 થી 20 લાખ વચ્ચે પહોંચી જશે. જો કે, આ વૃદ્ધિ મુખ્યત્વે મધ્યમ સ્તરના કરોડપતિઓમાં જોવા મળશે. 100 કરોડ રૂપિયા કે તેથી વધુ સંપત્તિ ધરાવતા “અલ્ટ્રા-હાઈ-નેટવર્થ” વ્યક્તિઓનો પ્રમાણ હાલ પણ બહુ ઓછો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ