- કાશ્મીરના સરફરાઝ ખાનની ઈંગ્લેન્ડ સામે બીજી ટેસ્ટમાં થઈ પસંદગી
- કેએલ રાહુલને સ્થાને બીજી ટેસ્ટમાં લેવાયો
- સરફરાઝ ખાન મેચ જોવા ગયો હતો અને છોકરીના પ્રેમમાં પડ્યો, લગ્ન પણ કર્યાં
કાશ્મીરના સરફરાઝ ખાનની ટીમ ઈન્ડીયામાં સરપ્રાઈઝ એન્ટ્રી થઈ છે. કેએલ રાહુલ ઈજાગ્રસ્ત થતાં સરફરાઝને ઈંગ્લેન્ડ સામે બીજી ટેસ્ટમાં લેવાયો છે. ભારત અને ઈંગ્લેન્ડ વચ્ચે 2 ફેબ્રુઆરીએ વિશાખાપટ્ટનમમાં બીજી ટેસ્ટ રમાશે. સરફરાઝ ખાન ડોમેસ્ટિક ટુર્નામેન્ટમાં સતત રન બનાવી રહ્યો છે અને તેણે ઘણા રેકોર્ડ પણ તોડ્યાં હતા. આવી સ્થિતિમાં ટેસ્ટમાં તેની પસંદગી થતાં ચાહકો પણ આશ્ચર્યચકિત થઈ ગયા હતા.
મેચ જોવા ગયો અને પ્રેમમાં પડ્યો, લગ્ન પણ કર્યાં
સરફરાઝની લવસ્ટોરી પણ જોરદાર છે. તે એક મેચ જોવા ગયો હતો અને ત્યાં એક છોકરીના પ્રેમમાં પડ્યો હતો. આ પહેલી નજરનો પ્રેમ હતો. ગયા વર્ષે સરફરાઝ ખાને જમ્મુ-કાશ્મીરના શોપિયાં જિલ્લાની એક યુવતી સાથે લગ્ન કર્યા હતા, સરફરાઝે જેની સાથે લગ્ન કર્યા હતા તેનું નામ રોમાના ઝહૂર છે. સરફરાઝ ખાન અને રોમાના ઝહૂર એક ક્રિકેટ મેચ દરમિયાન મળ્યા હતા. રોમાના મેચ જોવા સ્ટેડિયમમાં આવી હતી અને તેને જોતાં જ સરફરાઝ દિલ હારી બેઠો. સરફરાઝ ખાનની પિતરાઈ બહેન રોમાના સાથે દિલ્હીમાં એમએસસીનો અભ્યાસ કરતી હતી અને તેણે જ સરફરાઝને રોમાના સાથે પરિચય કરાવ્યો હતો.
પ્રથમ મુલાકાત બાદ બંને વચ્ચે મુલાકાતની પ્રક્રિયા શરૂ થઈ હતી. બંને વચ્ચે મિત્રતા થઈ અને આખરે મિત્રતા પ્રેમમાં બદલાઈ ગઈ અને ત્યાર બાદ બન્નેએ લગ્ન કરી લીધા.
સરફરાઝ 2 ફેબ્રુઆરીએ વિશાખાપટ્ટનમ ટેસ્ટમાં રમશે
ભારત અને ઈંગ્લેન્ડ વચ્ચેની ટેસ્ટ સીરિઝની 5 મેચમાંથી બીજી મેચ વિશાખાપટ્ટનમાં રમાશે. કેએલ રાહુલ ઈજાગ્રસ્ત થતાં તેને બદલે સરફરાઝને લેવાયો છે. સરફરાઝ ડેબ્યૂ ટેસ્ટમાં ચમત્કાર કરે તો ટીમ ઈન્ડીયામાં તેને સ્થાન મળી શકે છે.
