સ્પોર્ટ્સ / 'તમામ ખેલાડીઓ માટે હરહંમેશ રમવું અશક્ય...', જાણો શા માટે હેડ કોચ રાહુલ દ્રવિડે આવું કહ્યું

• ટી20 વર્લ્ડકપ પહેલા ટીમ ઈન્ડિયા પાસે 3 ટી-20 મેચ રમવા માટે બચી છે. 
• આ બાદ ટેસ્ટ સીરિઝ રમાશે અને પછી IPLનું આયોજન કરવામાં આવશે. 
• કોચ રાહુલ દ્રવિડે T20 વર્લ્ડ કપ પહેલા ટીમને સ્પષ્ટ શબ્દોમાં ચેતવણી આપી. 

ICC ટી20 વર્લ્ડકપની શરૂઆત 1 જૂનથી થશે અને આ મોટી ટૂર્નામેન્ટ પહેલા ટીમ ઈન્ડિયા પાસે 3 ટી-20 મેચ રમવા માટે બચી છે. ભારતીય ટીમ 11 જાન્યુઆરી એટલે કે આજથી અફઘાનિસ્તાન સામે ત્રણ મેચની ટી20 સીરિઝ રમશે. જે બાદ એક ટેસ્ટ સીરિઝ રમવાની થશે અને આ બાદ IPLનું આયોજન કરવામાં આવશે. 

🗣️ 🗣️ It will be a good challenge against the Afghanistan spinners and we are looking forward to it#TeamIndia Head Coach Rahul Dravid ahead of the #INDvAFG T20I series starting tomorrow @IDFCFIRSTBank pic.twitter.com/Tr6P7zOMSL

— BCCI (@BCCI) January 10, 2024

એવામાં હવે ટીમ ઈન્ડિયાના મુખ્ય કોચ રાહુલ દ્રવિડે T20 વર્લ્ડ કપ પહેલા સમગ્ર ટીમને સ્પષ્ટ શબ્દોમાં ચેતવણી આપી છે. દ્રવિડનું કહેવું છે કે ટી-20 વર્લ્ડ કપ પહેલા ખેલાડીઓને સાથે રમવાની ઘણી તકો નહીં મળે, તેથી તેમને માનસિક રીતે લચીલા રહેવાની જરૂર છે. આજથી અફઘાનિસ્તાન સામે ત્રણ મેચની ટી-20 સિરીઝ શરૂ થઈ રહી છે જે આ પહેલા ભારતની છેલ્લી ટી20 સિરીઝ હશે. તે સંદર્ભમાં, દ્રવિડે કહ્યું કે ટીમની પસંદગી માટે મેનેજમેન્ટે પણ IPL 2024 પર થોડો આધાર રાખવો પડશે.

કોચ રાહુલ દ્રવિડે કહ્યું કે, "છેલ્લા T20 વર્લ્ડ કપ (2022) પછી, અમે ODI વર્લ્ડ કપને પ્રાથમિકતા આપી હતી. પરંતુ આ ODI વર્લ્ડ કપ પછી હવે અમારી પાસે આટલી T20 મેચ નથી. તેથી આ T20 વર્લ્ડ કપ એ અર્થમાં થોડો અલગ છે કે તૈયારી કરવા માટે વધુ સમય નથી. અમારે અમારી પાસે જે ક્રિકેટ છે તેના પર અને IPL પર પણ થોડો આધાર રાખવો પડશે." 

509 intl. matches 👏
24,208 intl. runs 👌
4⃣8⃣ intl. hundreds 💯

Here’s wishing Rahul Dravid - Former #TeamIndia Captain and present Head Coach of India (Men's team) - a very Happy Birthday 🎂👏 pic.twitter.com/6yuh9aL5my

— BCCI (@BCCI) January 11, 2024

આ સાથે જ દ્રવિડે ભારપૂર્વક જણાવ્યું હતું કે, 'આખી ટીમને હવે ભાગ્યે જ સાથે રમવાની ઘણી તકો મળે છે, તેથી અમારે તેની આસપાસ કામ કરવું પડશે. તમારે ફક્ત અનુકૂલન અને લવચીક બનવું પડશે. અમે ODI વર્લ્ડ કપ પહેલા સારી તૈયારી કરી હતી. છેલ્લા T20 વર્લ્ડ કપમાં પણ અમે અમે એક ટીમ તરીકે ઘણી બધી મેચો રમી હતી. આ વખતે કદાચ અમારી પાસે એટલી બધી મેચો નહીં હોય, પરંતુ આપણે આગળ વધીએ તેમ અનુકૂલન કરવાનું છે."

વધુ વાંચો: IND vs ENG ટેસ્ટ સિરીઝમાં KL રાહુલ નહીં કરે વિકેટકીપિંગ, હશે આ ખેલાડી, જે રહી ચૂક્યો છે 'વિવાદ'માં

નોંધનીય છે કે ફાસ્ટ બોલર જસપ્રિત બુમરાહ, મોહમ્મદ સિરાજ અને ઓલરાઉન્ડર રવિન્દ્ર જાડેજા જેવા કેટલાક મહત્વના ખેલાડીઓ અફઘાનિસ્તાન સામેની ત્રણ મેચની ટી-20 સીરિઝ નહીં રમે. દ્રવિડે વિચાર્યું કે જેટલુ ક્રિકેટ રમાય છે તે જોતા ખેલાડીઓને બ્રેક આપવો જરૂરી છે.