તમારા કામનું / 31 માર્ચ પહેલા આ 5 જગ્યાએ રોકાણ કર્યું, તો સરકારને નહીં આપવા પડે વધારાના રૂપિયા

નાણાકીય વર્ષ 2025-26 પૂરુ થવામાં થોડા અઠવાડિયા બાકી છે ત્યારે અનેક લોકોને અચાનક યાદ આવે છે કે તેમને હજુ પણ ટેક્સ બચાવવા માટે રોકાણ કરવાની જરૂર છે. જો તમે હજુ સુધી કલમ 80C હેઠળ રોકાણ કર્યું નથી તો માર્ચ મહિનો છેલ્લો મોકો છે. જેમાં અમુક રોકાણ વિકલ્પો છે જે ઓનલાઇન અને તાત્કાલિક કરી શકાય છે, જેનાથી તમે સમયસર જૂની ટેક્સ સીસ્ટમ હેઠળ ટેક્સ સેવિંગનો લાભ લઈ શકો છો. આવકવેરા કાયદાની કલમ 80C 1.5 લાખ રૂપિયા સુધીની ટેક્સ મુક્તિ આપે છે. જો કે આ રોકાણ 31 માર્ચ પહેલાં કરવું જરૂરી છે. ચાલો તમને આવા પાંચ રોકાણ ઓપ્શન વિશે જણાવીએ.

• ELSS મ્યુચ્યુઅલ ફંડ્સ
  ઇક્વિટી લિંક્ડ સેવિંગ્સ સ્કીમ (ELSS) મ્યુચ્યુઅલ ફંડ્સ ટેક્સ બચાવવા માટે ખૂબ જ લોકપ્રિય ઓપ્શન છે. આ યોજનામાં રોકાણ કરવાથી કલમ 80C હેઠળ ટેક્સ બેનીફીટ મળે છે. તેનો લોક-ઇન પીરીયડ માત્ર 3 વર્ષનો હોય છે. આ રોકાણ સંપૂર્ણપણે ઓનલાઇન અને તાત્કાલિક કરી શકાય છે. લાંબા ગાળાના વળતર ઇક્વિટી બજારો કરતાં વધુ સારા હોવાની શક્યતા છે. જો સમય ઓછો હોય તો ELSS સૌથી ઝડપી અને સરળ ઓપ્શન માનવામાં આવે છે.
  
• પબ્લિક પ્રોવિડન્ટ ફંડ (PPF)
  પબ્લિક પ્રોવિડન્ટ ફંડ એક સેફ અને લાંબા ગાળાના રોકાણ ઓપ્શન છે. તે કલમ 80C હેઠળ ટેક્સ બેનીફીટ પણ આપે છે. જેમાં વ્યાજ દર સરકાર દ્વારા નક્કી કરવામાં આવે છે. પાકતી મુદત 15 વર્ષ છે. ડિપોઝિટ ઓનલાઈન બેંકિંગ દ્વારા કરી શકાય છે. આ ઓપ્શન એવા લોકો માટે યોગ્ય છે જેઓ ઓછા જોખમ અને ગેરંટીકૃત વળતર ઇચ્છે છે.
  
• ટેક્સ સેવિંગ ફિક્સ્ડ ડિપોઝિટ
  ટેક્સ- સેવિંગ ફિક્સ્ડ ડિપોઝિટ પણ કલમ 80C હેઠળ ટેક્સ-બચત ઓપ્શન છે. એમાં બેંકો 5 વર્ષના મીનીમમ લોક-ઇન પીરીયડ સાથે નિશ્ચિત વ્યાજ દર ઓફર કરે છે. બેંક નેટ બેંકિંગ અથવા શાખા બેંકિંગ દ્વારા રોકાણ કરી શકાય છે. જો કે મેળવેલ વ્યાજ ટેક્સેબલ હોય છે.
  

• નેશનલ પેન્શન સિસ્ટમ (NPS)
  નેશનલ પેન્શન સિસ્ટમ નિવૃત્તિ માટે રચાયેલ રોકાણ ઓપ્શન છે. તે કલમ 80C હેઠળ 1.5 લાખ રૂપિયા સુધીની ટેક્સ કપાત આપે છે. આ સિવાય કલમ 80CCD(1B) હેઠળ 50,000 રૂપિયાની વધારાની કપાત ઉપલબ્ધ છે. જેમાં રોકાણ ઓનલાઈન પણ કરી શકાય છે જેનાથી તમે કુલ ટેક્સમાં 2 લાખ રૂપિયા સુધીની બચત કરી શકો છો.
  
• જીવન વીમા પ્રીમિયમ
  જો તમે જીવન વીમો ખરીદ્યો હોય તો કલમ 80C હેઠળ ટેક્સ કપાત માટે તમારા પ્રીમિયમનો પણ દાવો કરી શકાય છે. આમાં ટર્મ પ્લાન કે પરંપરાગત વીમા યોજનાઓનો સમાવેશ થાય છે. પ્રીમિયમ પેમેન્ટ ઓનલાઈન કરી શકાય છે, જે સુરક્ષા અને કર બચત બંને પૂરી પાડે છે.
  

વધુ વાંચો : કમાણીનો જોરદાર મોકો લઇને આવી રહ્યો છે આ ધાકડ IPO! સૌની નજર આ કંપનીઓ પર

જો તમારે 31 માર્ચ પહેલા ટેક્બસ ચાવવાની જરૂર હોય તો એક્સપર્ટ સામાન્ય રીતે ELSS મ્યુચ્યુઅલ ફંડને સૌથી ઝડપી ઓપ્શન માને છે. કેમ કે રોકાણ થોડી મિનિટોમાં ઓનલાઈન કરી શકાય છે તેમાં સૌથી ટૂંકો લોક-ઈન પીરીયડ (3 વર્ષ) હોય છે અને લાંબા ગાળે વધુ સારા વળતરની સંભાવના આપે છે.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ