- પ્રાકૃતિક કૃષિ સંમેલનમાં રાજ્યપાલ આચાર્ય દેવવ્રત રહ્યા ઉપસ્થિત
- વીજળી બચાવવા લોકોને કર્યા સૂચનો
- શહેરમાં રાત્રે માર્ગની લઈટો બંધ રાખવા ટકોર
ગાંધીનગર ખાતે પ્રાકૃતિક કૃષિ સંમેલનમાં રાજ્યપાલ આચાર્ય દેવવ્રત સહીતના અગ્રણીઓએ હાજરી આપી હતી. અવસરે રાજ્યપાલ આચાર્ય દેવવ્રતે વીજ બચાવી અને પર્યાવરણના રક્ષણ અંગે લોકોને સૂચનો કર્યા હતા. તેમણે આહવાન કરતા જણાવ્યું હતું કે શહેરોમાં રાત્રે 12 વાગ્યાથી માંડી વહેલી સવાર સુધી મુખ્ય માર્ગો પર લોકોની અવરજવાર નહિવત હોવાથી લાઇટ્સ બંધ રાખવી જોઇએ જેને લઈને વીજળીની બચત થઇ શકે છે. વધુમાં પૂનમની રાત્રીએ અંજવાસ વધુ હોવાથી મુખ્ય માર્ગોની લાઈટ્સ બંધ રાખવા અને પર્યાવરણનું જતન કરવા આગળ આવવું જોઇએ. એટલું જ નહિ વ્યક્તિગત વીજ વપરાસ ઘટાડવા પણ દરેક નાગરિકોને અનુરોધ કર્યો હતો.
રાજભવનના વીજ બીલમાં 50 ટકાનો મોટો ઘટાડો થયો :રાજ્યપાલ આચાર્ય દેવવ્રત
વેડફાઇ જતી વીજળીને બચાવવાનું સૂચન કરતા રાજ્યપાલ આચાર્ય દેવવ્રતે જણાવ્યું હતું કે જ્યારે ઓફિસમાં પ્રવેશ કરીએ ત્યારે જ લાઇટ, પંખા અને એસી શરૂ કરી અને જેવા બહાર નિકળતાની સાથે જ બંધ કરી દઇએ. તે દિશામાં દરેક લોકો સંકલ્પબધ બને. આ સંકલ્પથી બચત થયેલી વીજળી કારખાનામાં વાપરી શકાશે. અથવા તો કોઈ કિસાનના ખેતર સુધી પહોંચશે.જેનો મોટો ફાયદો થસે.વધુમાં તેમણે ઉમેર્યું કે હું રાજભવનમાં આ નિયમનું પાલન કરું છું. રાજ્યપાલ તરીકેના મારા ત્રણ વર્ષના કાર્યકાળમાં તારણ નીકળ્યું છે કે, રાજભવનના વીજ બીલમાં 50 ટકાનો મોટો ઘટાડો થયો છે. આ અગાઉ હિમાચલ પ્રદેશના રાજ્યપાલ તરીકેની મારી સેવામાં પણમે આ પ્રણાલીને અપનાવી હતી તેમ આચાર્ય દેવવ્રતે જણાવ્યું હતું.
નાની-નાની બાબતોનું ધ્યાન રાખી વીજળી બચાવવા અનુરોધ
વધુમાં પેટ્રોલ-ડિઝલની બચત માટે પણ તેમણે જણાવ્યું હતું કે જ્યારે હું કારમાં બેસું તે પછી જ કારનું એન્જિન અને એ.સી. ઑન થાય છે. અગાઉ હું કારમાં બેસું તે પહેલા એન્જિન અને એ.સી. ચાલુ કરી દેવામાં આવતા હતા જેંને લઈને ઈંધણ બગડતું હોવાથી આ પધ્ધતિ બંધ કરવી છે. તેમ જણાવી દરેક લોકોએ આવી નાની-નાની બાબતોનું ધ્યાન રાખવા અનુરોધ કર્યો હતો.
