તમારા કામનું / શું UANમાં ભૂલથી ખોટો PF Id અટેચ થઇ ગયો છે? તો આ રીતે કરો ડિલિંક

શું તમે ક્યારેય વિચાર્યું છે કે જો તમારા UANમાં કોઈ ખોટું PF આઈડી લિંક થઈ જાય તો.. જી હા, હવે ચિંતા ન કરશો કેમ કે તમે તેને ડિલિંક કરી શકો છો. અને ડિલિંક કરવું જરૂરી છે નહીંતર આગળ જઈને મુશ્કેલી થી શકે છે. જો કે તમારે હેરાન થવાની જરૂર નથી કારણ કે તમે એમ્પ્લોય પ્રોવિડન્ટ ફંડ ઓર્ગેનાઈઝેશન (EPFO)ની યુનિફાઈડ મેમ્બર વેબસાઈટ પર જઈને ખોટા આઈડીને સરળતાથી ડિલિંક કરી શકો છો.

પ્રોસેસ જણાવતા પહેલા તમને જણાવી દઈએ કે યુનિફાઈડ પોર્ટલ દ્વારા તમે ખોટી રીતે લિંક થઈ ગયેલ મેમ્બર આઈડીને ડિલિંક કરવા માંગો છો તો એ ફિક્સ કરવું પડશે કે તેમનો આધાર સાથે લિંક મોબાઈલ નંબર એક્ટિવ અને ચાલુ હોય. બીજી મહત્વની વાત એ છે કે ડિલિંક કરતા પહેલા તમામ માહિતી એકવાર ચેક કરી લેવી જોઈએ. આ ઉપરાંત જો એમ્પ્લોયરે ખોટા આઈડીનો ઉપયોગ કરીને ECR ફાઈલ કર્યું હોય તો ડિલિંકિંગની આ પ્રોસેસ પુરી નહીં થાય. જેમાં સક્સેસ મેસેજની જગ્યાએ તમને એક એરર મેસેજ દેખાશે.

આ પણ વાંચોઃ વગર પરીક્ષાએ નાબાર્ડમાં 62 વર્ષ સુધીના ઉમેદવારોની ભરતી, પગાર મળશે લાખોમાં, જાણો વિગતો

ખોટા IDને આ રીતે ડિલિંક કરવું

• સૌપ્રથમ તમારે યુનિફાઇડ સભ્ય પોર્ટલ પર જવુ પડશે જ્યાં તમારે તમારો UAN, પાસવર્ડ અને કેપ્ચા કોડ નાંખવાનો રહેશે.
• હવે તમારે વ્યૂ >> સર્વિસ હિસ્ટ્રી વિભાગમાં જવાનું છે.
• અહીંયા તમારે ખોટો સભ્ય ID પસંદ કરવાનો રહેશે અને ડિલિંક બટન પર ક્લિક કરવું પડશે.
• તમે હવે ડિલિંક કરવાનું કારણ આપી શકો છો.
• વેરિફિકેશન પ્રક્રિયા પુરી કરો કારણ કે તમારા રજિસ્ટર્ડ મોબાઇલ નંબર પર એક OTP મોકલવામાં આવશે જે તમારે દાખલ કરવાની જરૂર પડશે.
• ડિલિંકિંગ થઈ જશે તો તમારી સ્ક્રીન પર સક્સેસનો એક મેસેજ આવી જશે.
• એકવાર આ થઈ ગયા પછી આ ખોટા ID માટેની હિસ્ટ્રી તમને દેખાશે નહીં.તમે તેને ફરીથી યુનિફાઇડ સભ્ય પોર્ટલ પર ક્રોસ-વેરિફાઇ કરી શકો છો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ