ક્રિકેટ / પ્રજ્ઞાન ઓઝા બન્યાં ટીમ ઈન્ડિયાના ચીફ સિલેક્ટર, રમેશ પોવારની કમિટીમાં એન્ટ્રી, BCCIનું એલાન

ભારતીય ક્રિકેટ કંટ્રોલ બોર્ડ (BCCI) એ સોમવારે એક મોટી જાહેરાત કરી. ભૂતપૂર્વ સ્પિનર ​​પ્રજ્ઞાન ઓઝા ટીમ ઇન્ડિયાના નવા મુખ્ય પસંદગીકાર બન્યા છે. તેઓ અજિત અગરકરનું સ્થાન લેશે, જેમનો કાર્યકાળ 4 ઓક્ટોબરના રોજ સમાપ્ત થયો હતો. BCCI એ રમેશ પોવારેને પુરુષ પસંદગી સમિતિમાં પણ નિયુક્ત કર્યા છે. પોવારે પ્રજ્ઞાન કરતાં ઓછી ટેસ્ટ મેચ રમી છે.

🚨 Announcement 🚨 Mr Ramesh Powar @imrameshpowar appointed to Men’s Selection Committee. Based on seniority (most Tests), Mr Pragyan Ojha @pragyanojha will chair the Committee. BCCI appreciates Mr Ajit Agarkar @imAagarkar for his commitment, conviction and contribution during his tenure as Chairman of the Committee. Details ▶️ https://t.co/z0jcyPWkr0 #TeamIndia

— BCCI (@BCCI) October 19, 2026

પુરુષ ટીમની નવી પસંદગી કમિટીમાં કોણ કોણ?

હવે પુરુષ ટીમની નવી પસંદગી સમિતિમાં પ્રજ્ઞાન ઓઝા (ચેરમેન), શિવ સુંદર દાસ, આરપી સિંહ, અજય રાત્રા અને રમેશ પોવારનો સમાવેશ થાય છે.

BCCIએ નિવેદનમાં શું કહ્યું?

"અશોક મલ્હોત્રા અને જતીન પરાંજપેની બનેલી ક્રિકેટ સલાહકાર સમિતિ (CAC) એ પુરુષ સમિતિના સભ્યની નિમણૂક માટે પસંદગી પ્રક્રિયાનું પાલન કર્યું. CAC એ અરજીઓની ચકાસણી કરવા અને ઇન્ટરવ્યુ લેવા માટે BCCI મુખ્યાલયમાં બેઠક કરી અને ત્યારબાદ પવારની નિમણૂકની ભલામણ કરી," BCCI એ એક નિવેદનમાં જણાવ્યું. પોવારે તેમની આંતરરાષ્ટ્રીય કારકિર્દી દરમિયાન બે ટેસ્ટ અને 31 વનડેમાં ભારતનું પ્રતિનિધિત્વ કર્યું હતું. તેમણે મુંબઈ અને ગુજરાતમાં ભારતીય મહિલા ટીમના મુખ્ય કોચ તરીકે તેમજ બીસીસીઆઈ સેન્ટર ઓફ એક્સેલન્સમાં બોલિંગ કોચ તરીકે સેવા આપીને કોચિંગ પદો પણ સંભાળ્યા છે. તેમણે ભારતીય મહિલા ટીમને એશિયા કપ ટ્રોફી અને કોમનવેલ્થ ગેમ્સમાં સિલ્વર મેડલ અપાવ્યો હતો.

વધુ વાંચો : VIDEO : 'એક દિવસ આપણે બધા મરી જવાના' ચર્ચમાં મૃત્યું પર ભાષણ આપતાં હતા પાદરી, ભારેખમ ક્રોસ પડતાં મોત

BCCIએ અજિત અગરકરની પ્રશંસા કરી

બોર્ડે ભૂતપૂર્વ પસંદગી સમિતિના અધ્યક્ષ અગરકરની પ્રશંસા કરી. BCCI એ કહ્યું, "પુરુષ પસંદગી સમિતિના અધ્યક્ષ તરીકેના કાર્યકાળ દરમિયાન અજીત અગરકરની પ્રતિબદ્ધતા, દૃઢ નિશ્ચય અને યોગદાન બદલ અમે તેમની પ્રશંસા કરીએ છીએ. જુલાઈ 2023 માં તેમની નિમણૂક પછી, અગરકરે ભારતીય ક્રિકેટ માટે નિર્ણાયક સમયે સમિતિનું નેતૃત્વ કર્યું. તેમના કાર્યકાળ દરમિયાન, ભારતે ત્રણ ICC ટ્રોફી, બે એશિયા કપ ટાઇટલ અને બે સતત એશિયન ગેમ્સ ગોલ્ડ મેડલ જીત્યા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ