ક્રાઈમ / સુરેન્દ્રનગરના પાણશીણા ગામે બે જૂથ વચ્ચે અથડામણ, 10થી વધુ લોકો ઈજાગ્રસ્ત

સુરેન્દ્રનગર: સુરેન્દ્રનગર જિલ્લાના પાણશીણા ગામે બે જૂથ વચ્ચે અથડામણની ઘટના સામે આવી છે. આ જૂથ અથડામણમાં બંને પક્ષના 10થી વધુ લોકો ઈજાગ્રસ્ત થયા હોવાની માહિતી મળી છે. ઘટનાને પગલે ગામમાં તંગદિલીનો માહોલ સર્જાયો હતો.

બંને પક્ષના ઈજાગ્રસ્તો એક જ હોસ્પિટલમાં દાખલ

અથડામણમાં ઈજાગ્રસ્ત થયેલા તમામ લોકોને સારવાર માટે હોસ્પિટલમાં દાખલ કરવામાં આવ્યા છે. બંને પક્ષના ઈજાગ્રસ્તોને એક જ હોસ્પિટલમાં સારવાર માટે ખસેડવામાં આવતાં પરિસ્થિતિને ધ્યાનમાં રાખીને પોલીસ તંત્ર સતર્ક બન્યું હતું.

DYSP સહિતનો પોલીસ કાફલો દોડી આવ્યો

ઘટનાની જાણ થતાં DYSP સહિતનો પોલીસ કાફલો હોસ્પિટલ ખાતે દોડી આવ્યો હતો. કોઈ અનિચ્છનીય બનાવ ન બને તે માટે પોલીસ દ્વારા ચુસ્ત બંદોબસ્ત ગોઠવવામાં આવ્યો છે.

આ પણ વાંચોઃ રાજકોટ લૂંટ-મર્ડર કેસના આરોપીએ ક્રાઈમ બ્રાન્ચ પર કર્યો હુમલો, વળતા જવાબમાં PSIએ ગોળી ધરબી

પોલીસ દ્વારા તપાસ શરૂ કરાઈ

હાલમાં બંને જૂથ વચ્ચે થયેલી અથડામણને પગલે પોલીસ તંત્ર દ્વારા પરિસ્થિતિ પર નજર રાખવામાં આવી રહી છે. જોકે, અથડામણ પાછળનું ચોક્કસ કારણ અને સમગ્ર ઘટનાની વિગતવાર માહિતી હજી સામે આવી નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ