ઉષા'કિરણ' / પોલીસ અસંવેદનશીલ કેવી રીતે હોય શકે ? સુરત ગ્રામ્ય SPઉષા રાડાએ જે કર્યુંએ જાણી કે કહેશો, 'સેલ્યુટ'

• ચાર નિરાધાર બાળકોના જીવનમાં 'ઉષા' 
• હૂંફ સાથે છતનો પ્રબંધ, જીવન ખુશહાલ              
• સુરત ગ્રામ્યના SPનું છલક્યું 'વાત્સલ્ય' 

સમાજમાં ઘાતકી હત્યાઓ,ચોરી,લૂંટ-ફાટ , અત્યાચાર અને દુષ્કર્મ જેવી ઘટનાઓથી માત્ર સામજિક અસર પડે છે તેવું નથી. રોજ-બરોજ આવી ઘટનાઓ સાથે પનારો પાડતી પોલીસ અને ગુનેગારો પાસેથી કઠોર થઈને માહિતી ઓકાવતી પોલીસની સંવેદનાઓ પણ ક્યારેક મરી પરવારતી હોય છે. પોલીસ વિભાગના અધિકારીઓ પુરુષ હોય ત્યારે તો કદાચ સમજી શકાય કે, વર્દીમાં સંવેદના ના ચાલે. પરંતુ જ્યારે અધિકારી મહિલા હોય ત્યારે, કેટલાક સંજોગોમાં તેમની સંવેદના ઝકઝોરી ઉઠે છે. આવી જ એક ઘટનામાં સંવેદનશીલ મહિલા પોલીસ અધિકારીએ માતૃવત સંવેદના દાખવી ચાર નોંધારા બાળકોને માત્ર હોંફ જ નહિ છત પણ અપાવી છે. વાત છે સુરતની અને મહિલા પોલીસ અધિકારી એટલે સુરત ગ્રામ્યના એસ પી ઉષા રાડા. 

સુરાનતા પલસાણા માં ઘર કંકાસના કારણે વિધાવા કાકીને ભત્રીજાએ જ હત્યા કરી હતી. વિધવા તરીકે જીવન ગુજારતા બહેનને ચાર બાળકો હતા. માતાની ઘાતકી રીતે થયેલી હત્યા બાદ બાળકો બિલકુલ નોંધારા બન્યા. બાળકોની નાં તો કોઈ દેખરેખ કરવા વાળું હતું કે નાં તો કોઈ સાર-સંભાળ લેવાવાળું. આ ઘટના થી રૂબરૂ થયેલા ગ્રામ્ય વિભાગના પોલીસ અધીક્ષક ઉષા રાડાનું દિલ પીગળી ગયું. એક મહિલા પોલીસ અધિકારી પણ આખરે તો માં જ છે ને ? ચાર-ચાર બાળકોનું આગળનું જીવન કેમ ચાલશે ? તે વિચારી પોલીસ અધિકારી ઉષા રાડાએ બાળકોના ઘરની મુલાકાત લઇ એક સામાજિક સંસ્થાનો સંપર્ક કર્યો. વાત્સલ્યધામ નામક સંસ્થાનો સંપર્ક કરી, ચાર બાળકોની જવાબદારી લેવા માટે ભલામણ કર્યા બાદ તેઓને ત્યાં શિફટ કરાવા સુધીનું વાત્સલ્ય દાખવી માનવીય અભીગમનો  પરિચય પણ આપ્યો.