વડોદરા / ઈમાનદારીની વાતો કરનારાઓએ આંગડિયાથી 2 નંબરનો વ્યવહાર કર્યો, ગૃહ રાજ્યમંત્રી હર્ષ સંઘવીના AAP પર પ્રહાર

• વદોદરામાં હર્ષ સંઘવીના AAP પર પ્રહાર
• ઈમાનદારીની વાતો કરનારે રૂપિયા મોકલ્યા 
• 2 નંબરનો વ્યવહાર કરવાનું કારણ શું? 

ગૃહ રાજ્યમંત્રી હર્ષ સંઘવીએ વડોદરાની મુલાકાત લીધી હતી. આ દરમિયાન તેમણે પાણી ગેટ પોલીસ સ્ટેશનનું લોકાર્પણ કર્યુ હતું. જે વેળાએ તેમણે બારડોલીમાં AAPના નેતા પાસે ઝડપાયેલા નાણાને લઈને નિવેદન આપ્યું હતું. તેમણે કહ્યું હતું કે, AAPના નેતા પાસે આટલા નાણા ક્યાંથી આવ્યા તેનો જવાબ તે આપે. વધુમાં હર્ષ સંઘવીએ આક્ષેપ કરતા જણાવ્યું કે,  ઈમાનદારીની વાતો કરનારાઓએ આંગડિયાથી આ રૂપિયા મોકલ્યા છે.  

2 નંબરનો વ્યવહાર કરવાનું કારણ શું  : હર્ષ સંઘવી
હર્ષ સંઘવીએ AAP પર પ્રહાર કરતા ઉમેર્યું કે AAP એ હવાલા દ્વારા ગુજરાતમાં કાળું નાણું મોકલ્યું છે. હવાલા મારફતે આવા તો કેટલા રૂપિયા મોકલ્યા હશે. આ નાણા બારડોલી, અમદાવાદ અને અન્ય સ્થળોએ પકડાયા છે. બારડોલીના AAPના ઉમેદવારે એ પણ સ્વીકાર્યું છે કે આ પૈસા AAPની દિલ્હી ઓફિસમાંથી આવ્યા છે.  તો AAPએ જણાવવું જોઈએ કે, 2 નંબરનો વ્યવહાર કરવાનું કારણ શું છે? તેમ અંતમાં હર્ષ સંઘવીએ કહ્યું હતું.

આ પૈસા ક્યાંથી આવ્યા? 
ગૃહરાજ્ય મંત્રી હર્ષ સંઘવીએ જણાવ્યું કે, આંગડિયા મારફત રોકડા મોકલવામાં આવ્યા હતા. આ પૈસા ક્યાંથી આવ્યા? આ પ્રકારના હવાલા કરવાનું કારણ શું તેવું આપના નેતાઑએ પૂછવું જોઈએ. જો કે હાલ આ મામલે હાલ તપાસ ચાલી રહી છે. તપાસ બાદ સત્ય સામે આવશે.