ઘરેલૂ ઉપચાર / સવારે ઉઠતા જ પગની એડીમાં દુખાવો અને ચાલવામાં તકલીફ થાય તો આ ઘરગથ્થુ ઈલાજ કરી લો, દવાઓ વિના મટી જશે

• મોટી ઉંમરમાં ઘણી તકલીફો થાય છે
• પગની એડીનો દુખાવો રહેતો હોય તો કરો આ ઈલાજ
• ઘરે જ આ ઉપાય કરીને દુખાવો મટાડી શકાય છે

આ સામાન્ય જણાતી બાબત જો હદથી વધી જાય તો વ્યક્તિને સહેજ પણ ચાલવામાં ભયંકર પરેશાની થાય છે, એટલે જ શરૂઆતના તબક્કામાં જ તેને ગંભીરતાથી લઈ ડોક્ટરની સલાહ મુજબ ઈલાજ કરાવવામાં બેદરકારી ન દાખવવી. પગની પાની કે એડીનો દુ:ખાવો 40થી 70 વર્ષની વચ્ચેની ઉંમરમાં સ્ત્રી-પુરુષના ભેદભાવ વિના વ્યાપક પ્રમાણમાં જોવા મળે છે. 

પાનીના દુખાવાનાં લક્ષણો

• સવારમાં ઊઠીને શરૂઆતમાં થોડાં ડગલાં ચાલવાની સાથે જ પાનીમાં દુખાવો થાય. 
• એડીમાં બળતરા થાય તથા પાની ઉપર વજન લેતાની સાથે જ અસહ્ય દુખાવો થાય.
• પાનીમાં નીચેના ભાગમાં દબાણ આપવાથી દુખાવો થાય.

ઘરગથ્થુ ઈલાજ 

• અતિશય દુ:ખાવો હોય ત્યારે વધારે પડતું ચલાવનું ટાળવું. 
• પગની કેટલીક સ્ટ્રેચિંગ એક્સરસાઈઝ કરવાથી પણ આ દુખાવાને દૂર કરી શકાય છે. 
• સ્વચ્છ કપડાંમાં બરફ લઇ એડીના દુખાવાવાળા ભાગ ઉપર 10થી 15 મિનિટ દિવસમાં ઓછામાં ઓછી બે વાર ઘસવો.
• યોગ્ય ફિટિંગવાળા તથા પ્રમાણસર પોચાં બૂટ કે ચંપલ પહેરવાં.
• ઘરમાં ખુલ્લા પગે ચાલવાને બદલે આવા પ્રમાણસર પોચાં સ્લીપર્સ પહેરી રાખવા
• શરીરનું વજન વધવા દેવું નહીં. સાથે જ ફિઝિયોથેરપીમાં જઈને પણ દુખાવામાં રાહત મેળવી શકાય છે
• જો ઘરેલૂ ઉપાયો કારગર ન નીવડે તો દર્દીઓને એન્ટિઈન્ફ્લેમેટરી તથા દુખાવામાં રાહત થાય તેવી દવાઓ આપવામાં આવે છે. ડોક્ટરની સલાહ મુજબ જ આ દવાઓ લેવી જોઈએ. 
• નવશેકા સરસિયાના તેલમાં હળદર પાઉડર મિક્સ કરીને લેપ બનાવીને દુખાવાવાળા ભાગ પર લગાવવાથી આગામ મળે છે.