વાહ! / ઍવરેજનો બાપ છે આ સ્કૂટર : સિંગલ ચાર્જમાં 210KM ચાલશે, કૂલ છે લૂક જાતે જોઇ લો

• પેટ્રોલના વધતાં ભાવની ચિંતા છોડો
• હીરોનું આ સ્કૂટર 210 કિમી ચાલશે
• એક જ વાર ચાર્જ કરીને રાઇડની માણો મજા

ગ્રાહકો હવે ઇલેક્ટ્રિક વાહનો તરફ વળી રહ્યાં છે. તેને ખરીદવામાં જ ખર્ચ થાય છે અને પછી તમને તેના ફાયદા મળવાનું શરૂ થાય છે. તેમાં ફક્ત ઇલેક્ટ્રિક મોટર અને બેટરી હોય છે, જે વીજળીથી ચાર્જ થાય છે. આ વાહનો લાંબી રેન્જ સાથે આવે છે અને તેનું મેઇન્ટનન્સ પણ ખૂબ સસ્તું છે. આવી સ્થિતિમાં આજે અમે તમને Hero Electric ના Nyx-Hx ઇલેક્ટ્રિક સ્કૂટર વિશે જણાવી રહ્યા છીએ.

1 ટાઈમ ચાર્જ પર 210 કિમી ચાલશે
હીરો ઈલેક્ટ્રીકનું આ સ્કૂટર હાલમાં કોમર્શિયલ ઉપયોગ માટે વેચાઈ રહ્યું છે અને તેને એક વાર ચાર્જ કરવા પર 210 કિમી સુધી ચલાવી શકાય છે. આ ઈ-સ્કૂટરના ઘણા વેરિયન્ટ્સ માર્કેટમાં વેચાઈ રહ્યા છે અને તેને ખાસ કરીને ફૂડ ડિલિવરી કંપનીઓને ટાર્ગેટ કરવામાં આવી છે. હીરો ઈલેક્ટ્રીકનું કહેવું છે કે કંપનીઓ તેમની જરૂરિયાતો અનુસાર ઇલેક્ટ્રિક સ્કૂટરમાં ફેરફાર કરી શકે છે, જેમાં આગળ એક બકેટ અને પાછળ એક મોટું બોક્સ હોય છે.

એક્સ-શોરૂમ કિંમત રૂ. 63,900 
સ્કૂટરને 600 અથવા 1300 વોટની ઇલેક્ટ્રિક મોટર્સની પસંદગી સાથે ઓફર કરવામાં આવે છે જે 51.2 વોટ્સ અથવા 30 Ah ની ત્રણ લિથિયમ-આયન બેટરી સાથે જોડાયેલી હોય છે. હીરો ઈલેક્ટ્રિકના આ સ્કૂટરમાં સ્કૂટર ડાયગ્નોસ્ટિક સોલ્યુશન્સ સિવાય સ્માર્ટફોન કનેક્ટિવિટી, બ્લૂટૂથ કનેક્ટિવિટી અને શ્રેષ્ઠ રિમોટ સર્વેલન્સ જેવી ઘણી સુવિધાઓ આપવામાં આવી છે. આ ઈ-સ્કૂટરને ત્રણ વેરિઅન્ટ્સમાં રજૂ કરવામાં આવ્યું છે - LI, LI ER અને HS500 ER જેની દિલ્હીમાં પ્રારંભિક એક્સ-શોરૂમ કિંમત રૂ. 63,900 છે, આ કિંમત ટોચના મોડલ માટે રૂ. 79,900 સુધી જાય છે.