હેલ્થ ટિપ્સ / શું તમને પણ વારંવાર બરફ ખાવાનું મન થાય છે? તો ચેતી જજો, આ બીમારીનું છે લક્ષણ

લગભગ લોકોને આઈસ્ક્રીમ, ગોલા, કુલ્ફી પસંદ હોય જ છે અને શિયાળો હોય કે ઉનાળો, દરેક ઋતુમાં અમુક લોકો આઈસ્ક્રીમ ખાતા હોય છે આ સિવાય ઘણા એવા લોકો હોય છે જે દરેક ઋતુમાં આઈસ ક્યુબ્સ એટલે કે બરફના ટુકડા ખાતા હોય છે અને જો તમારી આસપાસ પણ એવા લોકો છે જેમને ગમે તે ઋતુમાં ગમે તે સમયે બરફ ખાવાનો શોખ હોય તો આ એમના શરીરમાં આયર્નની ઉણપ હોય શકે છે.

આટલું જ નહીં વારંવાર વરફ ખાવાની સમસ્યાને 'પાઈકા ડિસઓર્ડર' નામ આપવામાં આવ્યું છે. આ ડિસઓર્ડર સામાન્ય રીતે બાળકો અને પ્રેગ્નેટ સ્ત્રીઓમાં જોવા મળે છે અને જો કોઈ સામાન્ય વ્યક્તિને વારંવાર બરફ ખાવાની ઈચ્છા થાય તો નિષ્ણાતોના મતે જે લોકોમાં આયર્નની ઉણપ હોય છે. આ સાથે જો કોઈ વ્યક્તિ ડિપ્રેશન અથવા સ્ટ્રેસની સ્થિતિમાંથી પસાર થઈ રહી હોય તો તેને પણ આ ઈટિંગ ડિસઓર્ડર થઈ શકે છે.

કેટલાક લોકોમાં ડિહાઇડ્રેશન પણ આનું મુખ્ય કારણ હોય છે તો ઘણા નિષ્ણાતો એમ પણ કહે છે એનિમિયાથી પીડિત લોકોમાં રેડ બ્લડસેલ્સનું સ્તર ઓછું થઈ જાય છે જે શરીરની આસપાસ ઓક્સિજન વહન કરવા માટે જરૂરી છે. ખાસ કરીને આયર્નની ઉણપ આ કોષોનું સ્તર ઘટાડે છે જેના કારણે લોકોને બરફ ખાવાની ઈચ્છા વધી જાય છે.

જો તમને પણ ક્રેવિંગ્સને કારણે વારંવાર બરફ ખાતા હોવ તો તેની કેટલીક આડઅસર થઈ શકે છે. સૌથી પહેલી તો એ કે તમે તમારી બીમારીને અવગણી રહ્યા છો. શક્ય છે કે તમારા શરીરમાં આયર્નની માત્રા ઓછી હોય પરંતુ તમે તેના પર ધ્યાન નથી આપી રહ્યા, એટલા માટે તેને અવગણશો નહીં. જો સમસ્યા ગંભીર હોય તો ડૉક્ટરની સલાહ લેવામાં અચકાવું નહીં.

વધુ વાંચો: ભૂલથી પણ આ 3 ચીજોનું વધારે માત્રામાં સેવન ન કરતા, નહીંતર પ્રોબ્લેમમાં મૂકાઇ જશો, FSSAIએ કરી સ્પષ્ટતા

આ સિવાય બરફ ખાવાથી આપના દાંતને નુકસાન થઈ શકે છે અને વધુ પડતો બરફ આપણા દાંતના બહારના પડ માટે હાનિકારક છે અને તેનાથી ઘણી સમસ્યાઓ થઈ શકે છે. આટલું જ નહીં બરફને કારણે ક્યારેક પેટમાં ઈન્ફેક્શન અને કબજિયાતની ફરિયાદ પણ થઈ શકે છે. સાથે જ બરફ ખાવાથી કે બરફવાળું પાણી પીવાથી પણ રોગપ્રતિકારક શક્તિ પર ખરાબ અસર પડે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ