'નોટીસ' / રાજકોટમાં 12 જગ્યાઓ પર આરોગ્ય વિભાગની રેડ, ઢોસાની આ પ્રખ્યાત બ્રાન્ડના નમૂના વાસી નીકળ્યા, એક્સપાયરી ડેટ વાળી ચોકલેટનો નાશ

• રાજકોટમાં આરોગ્ય વિભાગના દરોડા
• 12 સ્થળો પર તપાસ કરી ફટકારાઇ નોટીસ
• બે કિલો ચોકલેટ સાથે અન્ય વસ્તુઓનો કરાયો નાશ

રાજકોટમાં 12 જગ્યાઓ પર આરોગ્ય વિભાગના દરોડા પડ્યા હતા. ત્યારે આરોગ્ય વિભાગ દ્વારા આઈસ ગોલા, કેડબરી ફ્લેવર્સ, શ્રીખંડ સહિતના ઠંડા ખાદ્યનાં નમુના લેવાય છે. લુઝ ચકરી, દૂધ, સોન પાપડીના પણ નમૂના લેવામાં આવ્યા છે. રાજુ મદ્રાસ કાફેમાંથી ઢોંસાનો વાસી મસાલો મળી આવ્યો હતો. તેમજ ઈડલીની પણ બે કિલો જેટલી વાસી ચટણી મળી આવી હતી. ત્યારે એક્સપાયરી ડેટ વાળી બે કિલો ચોકલેટનો નાશ કરાયો હતો. ત્યારે રાજકોટમાં 12 સ્થળો પર તપાસ કરી લાઈસન્સ અંગે નોટીસ ફટકારવામાં આવી હતી.

 12 સ્થળો પર તપાસ કરી લાઇસન્સ અંગે ફટકારાઈ નોટીસ
ઉનાળાની સીઝન ચાલુ થતાની સાથે જ આરોગ્ય વિભાગ એક્શનમાં આવી ગયું છે. ત્યારે લોકોનાં આરોગ્ય સાથે ચેડા કરનાર લોકોને ત્યાં રાજકોટ આરોગ્ય વિભાગ દ્વારા ઓચિંતું ચેકીગ હાથ ધર્યું હતું.  જેમાં ગોળાનાં વેપારી, મીઠાઈની દુકાનો તેમજ ખાદ્ય ચીજ વસ્તુ બનાવતા ધંધાર્થીઓને ત્યાં ઓચિંતું ચેકીંગ હાથ ધરતા અન્ય વેપારીઓ દુકાનનાં શટર બંધ કરી જતા રહ્યા હતા. ત્યારે આરોગ્ય વિભાગ દ્વારા તમામ જથ્થાનો નાશ કરવામાં આવ્યો હતો.