બ્રેકિંગ ન્યુઝ
બ્રેકિંગ ન્યુઝ
VTV / લાઈફસ્ટાઈલ / ટેક અને ઓટો / પેનડ્રાઇવનો જમાનો ગયો? હવે આ રીતે બદલાઈ રહ્યું છે ડેટા સ્ટોરેજનું ગણિત!
7 ફોટો ગેલેરી
Last Updated: 10:12 AM, 10 August 2026
FOLLOW ON
શેર કરો
1/7
આજના ડિજિટલ યુગમાં, સ્માર્ટફોન અને ઇન્ટરનેટ લોકો માટે જરુરીયાત બની ગયુ છે. જોકે, સમય જતાં ડેટા સ્ટોરેજ પણ એક જરૂરિયાત બની ગયું છે. એક સમય એવો હતો જ્યારે કમ્પ્યુટર અને ટીવીથી લઈને કારના મ્યુઝિક સિસ્ટમ સુધી બધે જ USB પેન ડ્રાઇવનો ઉપયોગ થતો હતો. માત્ર એક નાનકડી પેન ડ્રાઇવમાં જરૂરી ફાઇલો, ફોટા, વીડિયો, ડોક્યુમેન્ટ અને ફિલ્મોનો સંગ્રહ કરીને તેને ગમે ત્યાં લઈ જવી અત્યંત સરળ હતી. જોકે, ડેટા સ્ટોરેજની દુનિયામાં અત્યારે ઝડપી પરિવર્તન આવી રહ્યું છે. ક્લાઉડ સ્ટોરેજ, સ્માર્ટફોન્સ, SSDs અને ઓનલાઇન શેરિંગ જેવી ટેક્નોલોજીઓએ પેન ડ્રાઇવની જરૂરિયાત ઘણી ઘટાડી દીધી છે. આનો અર્થ એ નથી કે USB પેન ડ્રાઇવ સંપૂર્ણપણે અપ્રચલિત થઈ ગઈ છે. પરંતુ તેમની ભૂમિકામાં બદલાવ આવ્યો છે. આવો જાણીએ કે ડેટા સ્ટોરેજની પદ્ધતિઓ કેવી રીતે બદલાઈ રહી છે.
આ તસવીર શેર કરો
2/7
જાણકારી અનુસાર, પેન ડ્રાઇવ માટે સૌથી કઠિન સ્પર્ધા 'ક્લાઉડ સ્ટોરેજ' તરફથી મળી છે, એક એવી ટેક્નોલોજી જે લોકોને તેમનો ડેટા સરળતાથી સંગ્રહિત કરવાની સુવિધા આપે છે. આ સાથે તેમાં કોઈપણ ભૌતિક ડ્રાઇવની જરૂરિયાતને દૂર કરે છે, જેનાથી યૂઝર્સ ગમે ત્યાંથી તેમના ડેટાનો ઉપયોગ કરી શકે છે.
આ તસવીર શેર કરો
3/7
આ ઉપરાંત આજકાલ મોટાભાગના લોકો માટે સ્માર્ટફોન એ પ્રાથમિક ડિજિટલ સ્ટોરેજ ડિવાઇસ બની ગયો છે. પૂરતી સ્ટોરેજ ક્ષમતાને કારણે, વ્યક્તિ ફોનમાં ફોટા, વીડિયો, દસ્તાવેજો અને અન્ય મહત્વપૂર્ણ ડેટા સરળતાથી સ્ટોર કરી શકે છે. આ ઉપરાંત વધુમાં, WhatsApp, ઈમેલ અને અન્ય એપ્લિકેશન્સ દ્વારા ફાઈલોની આપ-લે કરવી અત્યંત સરળ બની ગઈ છે. અગાઉ, અન્ય કમ્પ્યુટર પર મોટી ફાઈલો ટ્રાન્સફર કરવા માટે પેન ડ્રાઈવની જરૂર પડતી હતી, પરંતુ હવે ઈન્ટરનેટ દ્વારા માત્ર થોડી સેકન્ડો કે મિનિટોમાં જ ફાઈલો મોકલી શકાય છે.
આ તસવીર શેર કરો
4/7
નોંધનીય છે કે, એડવાન્સ SSD ઘણી બાબતોમાં પેન ડ્રાઇવ્સ કરતાં બેસ્ટ ઓપ્શન તરીકે ઉભરી આવ્યા છે. પોર્ટેબલ SSD ખાસ કરીને એવા યૂઝર્સ માટે કામનું ડિવાઇસ સાબિત થાય છે જેઓ મોટી ફાઇલો અને વિશાળ ડેટા સાથે કામ કરે છે. તેઓ ડેટા ટ્રાન્સફરની સ્પીડ, વધુ સ્ટોરેજ ક્ષમતા અને બેસ્ટ પરફોર્મન્સ મળી શકે છે. સામાન્ય યૂઝર્સ માટે પેન ડ્રાઇવ્સ હજુ પણ એક સસ્તો અને અનુકૂળ વિકલ્પ છે, જ્યારે વ્યાવસાયિક કામ માટે પોર્ટેબલ SSD વધુને વધુ ફેમસ બની રહ્યા છે.
આ તસવીર શેર કરો
5/7
નોંધનીય છે કે, પેન ડ્રાઇવ કદમાં નાની અને વાપરવામાં અનુકૂળ હોવા છતાં, તેમાં અમુક જોખમો પણ રહેલા છે. તેના નાના કદને કારણે આ ડિવાઇસ સરળતાથી ખોવાઈ શકે છે. જો તેમાં જરુરી ડેટા હોય, તો તે ખોવાઈ જવાથી તે ડેટા અન્ય કોઈના હાથમાં આવી શકે છે. આ ઉપરાંત, વારંવાર ઉપયોગ, ખરાબ ક્વોલિટીની મેમરી અથવા અચાનક ડિવાઇસ કાઢી નાખવા જેવા કારણોસર પેન ડ્રાઇવમાં ખોટ સર્જાઈ શકે છે. તેથી, મહત્વપૂર્ણ ડેટા માટે માત્ર એક જ પેન ડ્રાઇવ પર નિર્ભર રહેવું સુરક્ષિત માનવામાં આવતું નથી.
આ તસવીર શેર કરો
6/7
નવી ટેક્નોલોજી ચોક્કસપણે આવી ગઈ છે, તેમ છતાં પેન ડ્રાઇવ સંપૂર્ણપણે અદૃશ્ય થઈ નથી. જ્યાં ઇન્ટરનેટ ઉપલબ્ધ ન હોય અથવા મોટી ફાઇલોને ઓફલાઇન ટ્રાન્સફર કરવાની જરૂર હોય તેવી પરિસ્થિતિઓમાં તે અત્યંત ઉપયોગી બને છે. પેન ડ્રાઇવનો ઉપયોગ હજુ પણ ઓપરેટિંગ સિસ્ટમ ઇન્સ્ટોલ કરવા કમ્પ્યુટરમાં સોફ્ટવેર કે ડ્રાઇવર્સ ટ્રાન્સફર કરવા, ટીવી પર મીડિયા ચલાવવા અને બેકઅપ બનાવવા જેવા કાર્યો માટે થાય છે. આ ઉપરાંત, ધીમી ઇન્ટરનેટ સ્પીડ ધરાવતા વિસ્તારોમાં ઓફલાઇન સ્ટોરેજ માટે પણ તે અત્યંત આવશ્યક છે.
આ તસવીર શેર કરો
7/7
નોંધનીય છે કે, ભવિષ્યમાં ડેટા સ્ટોરેજ કોઈ એક જ ડિવાઇસ પર નિર્ભર રહેશે નહીં. તેના બદલે, ડેટાને વિવિધ પદ્ધતિઓનો ઉપયોગ કરીને સ્ટોરેજ કરી શકાશે. મહત્વપૂર્ણ ફાઇલોનો ક્લાઉડ પર બેકઅપ લઈ શકાય છે, રોજિંદા ડેટા માટે સ્માર્ટફોનનો ઉપયોગ થઈ શકે છે અને મોટી ફાઇલો માટે SSDનો કામ આવી શકે છે. સાથે જ, ખાસ જરૂરિયાતો માટે પેન ડ્રાઇવ્સ એક કોમ્પેક્ટ અને પોર્ટેબલ સ્ટોરેજ વિકલ્પ તરીકે ઉપયોગી બની રહેવાની શક્યતા છે. તેથી, એવું કહેવું યોગ્ય નહીં ગણાય કે પેન ડ્રાઇવ્સ અત્યારથી જ સંપૂર્ણપણે અપ્રચલિત થઈ ગઈ છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
