ગુજરાત / જૂનાગઢ સિવિલ હોસ્પિટલમાં ફરજ દરમિયાન નમાઝ, કર્મચારીનો VIDEO વાયરલ

જૂનાગઢ સિવિલ હોસ્પિટલમાં ફરજ દરમિયાન એક કર્મચારી દ્વારા જાહેરમાં નમાઝ અદા કરવામાં આવી હોવાનો વીડિયો સોશિયલ મીડિયામાં ઝડપથી વાયરલ થયો છે. વાયરલ થયેલા વીડિયોમાં દવાબારી વિભાગનો કર્મચારી પોતાની ફરજ દરમિયાન જ નમાઝ અદા કરતો જોવા મળે છે. આ ઘટનાએ હોસ્પિટલમાં આવનારા દર્દીઓ અને તેમના સગાસંબંધીઓ વચ્ચે ચર્ચાનો વિષય ઉભો કર્યો છે.

મળતી માહિતી અનુસાર, વીડિયો સિવિલ હોસ્પિટલના દવાબારી વિભાગનો હોવાનું કહેવાઈ રહ્યું છે. વીડિયોમાં સ્પષ્ટ જોવા મળે છે કે કર્મચારી પોતાનું કામ છોડીને નમાઝ અદા કરી રહ્યો છે. તે દરમિયાન દવા લેવા માટે આવેલા લોકો પોતાની વારીની રાહ જોતા જોવા મળ્યા હોવાનું પણ સામે આવ્યું છે. જેના કારણે દવા લેવા આવેલા દર્દીઓ અને તેમના પરિવારજનોને થોડો સમય રાહ જોવી પડી હોવાનું ચર્ચાઈ રહ્યું છે.

સોશિયલ મીડિયામાં વાયરલ થયા બાદ અનેક પ્રકારની પ્રતિક્રિયાઓ

આ વીડિયો સોશિયલ મીડિયામાં વાયરલ થયા બાદ અનેક પ્રકારની પ્રતિક્રિયાઓ સામે આવી રહી છે. લોકો દ્વારા પ્રશ્ન ઉઠાવવામાં આવી રહ્યો છે કે હોસ્પિટલ જેવી જાહેર સેવા આપતી સંસ્થામાં ફરજ દરમિયાન કર્મચારીએ પોતાની જવાબદારી પૂર્ણ કર્યા વગર આ રીતે જાહેરમાં નમાઝ અદા કરવી યોગ્ય છે કે નહીં. બીજી તરફ કેટલાક લોકોનું માનવું છે કે દર્દીઓને કોઈપણ પ્રકારની અસુવિધા ન થાય તે સૌથી પ્રથમ પ્રાથમિકતા હોવી જોઈએ.

વીડિયોમાં દેખાતા દૃશ્યોને લઈને હોસ્પિટલની કામગીરી અંગે પણ ચર્ચા શરૂ થઈ છે. કારણ કે હોસ્પિટલમાં રોજ મોટી સંખ્યામાં દર્દીઓ સારવાર અને દવા લેવા માટે આવે છે. આવી સ્થિતિમાં જો ફરજ પર રહેલો કર્મચારી પોતાનું કામ થોડા સમય માટે પણ બંધ રાખે તો દર્દીઓને રાહ જોવી પડી શકે છે અને કામગીરી પર તેની અસર પડી શકે છે. લ સોશિયલ મીડિયામાં વાયરલ થયેલા વીડિયોને લઈને લોકો વિવિધ પ્રકારની ચર્ચા કરી રહ્યા છે. વીડિયોમાં દવાબારીનો કર્મચારી ચાલુ ફરજ દરમિયાન નમાઝ અદા કરતો જોવા મળે છે અને તે દરમિયાન દવા લેવા આવેલા લોકોને હાલાકીનો સામનો કરવો પડ્યો હોવાના દાવા કરવામાં આવી રહ્યા છે.

આ પણ વાંચો : અમદાવાદમાં PG યુવતીના દુ*ર્ષ્કમીને ઝડપવા 'સફારી' કામ કરી ગઈ નહીંતર ન પકડાત, રસપ્રદ છે આખી કહાની

આ સમગ્ર ઘટનાને લઈને હોસ્પિટલ તંત્ર તરફથી કોઈ સત્તાવાર સ્પષ્ટતા સામે આવી છે કે નહીં, તેની માહિતી હાલમાં ઉપલબ્ધ નથી. જોકે વાયરલ થયેલા વીડિયાના આધારે આ મુદ્દો ચર્ચામાં આવ્યો છે અને હોસ્પિટલની ફરજ દરમિયાન કર્મચારીઓની જવાબદારી તેમજ દર્દીઓને મળતી સેવાઓ અંગે ફરી એકવાર પ્રશ્નો ઊભા થયા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ