અમેરિકાના જ્યોર્જિયાના રોબિન્સમાં ગેસ સ્ટેશનના ક્લાર્ક તરીકે ફરજ બજાવતા મૂળ મહેસાણા જિલ્લાના કડી તાલુકાના ભટાસણ ગામના યુવકની રવિવારે બપોરે ગોળીમારીને હત્યા કરી દેવામાં આવતા ભટાસણમાં શોકની લાગણી ફેલાઈ ગઈ હતી. અમેરિકામાં પાટીદાર યુવકનો આ બીજો બનાવ છે આ પહેલા પણ આ રીતે હત્યા કરવામાં આવી હતી.
પતિ અને પુત્ર સાથે રહેતો હતો યુવાન
રવિવારે સાડા પાંચ વાગે લૂંટારુઓએ મારી ગોળી
સ્થળ ઉપર જ થયું મોત
મહેસાણાના કડી તાલુકાના ભટાસણ ગામના વતની 48 વર્ષીય નવનીતભાઈ મણિભાઈ પટેલની હત્યા થઈ છે. તેઓ અમેરિકામાં સ્થાયી થયા હતા. પોતાની પત્ની તથા પુત્ર સાથે અમેરિકામાં રહેતા હતા. વોર્નર રોબિન્સ પોલીસ દ્વારા ગુનો નોંધી તપાસ હાથ ધરવામાં આવી છે. આ ઘટના અમેરિકાના જ્યોર્જિયા ખાતે બની છે.
કેવી રીતે થયું મોત
નવનીતભાઈ700 રશેલ પાર્કવે ખાતેની એક્સ્પ્રેસ શોપમાં ક્લાર્ક તરીકે ફરજ બજાવતા હતા. રવિવારે સાડા પાંચ વાગ્યા પહેલા હત્યારાઓ સ્ટોર્સમાં લૂંટના ઈરાદા સાથે ઘુસ્યા હતા અને આ ઝપાઝપીમાં ગોળીબાર કર્યો હતો જેમાંથી એક ગોળી નવનીત પટેલને વાગી હતી અને તેનું ત્યાં જ અવસાન થયું હતુ.
અગાઉ આ વિસ્તારના પાંચની હત્યા થઈ હતી
જ્યોર્જિયાના મકેલ શહેરમા કૈયલ ગામના યુવકની તેમજ જ્યોર્જિયાના કેટીકીમાં કડીના ગણેશપુરાના યુવકની હત્યા થઈ હતી તો વળી તેના થોડાક જ સમય પહેલા અંબાસણના યુવકની પણ હત્યા થઈ હતી. માણસાના ખરણા ગામના ચિરાગ પટેલની અને જોટાણાના ભટાસણ ગામના કિરણ પટેલની પણ અમેરિકાના આજ વિસ્તારમાં હત્યા થઈ હતી.