હવામાન અપડેટ / સાબદા રહેજો! રાજ્યમાં આગામી 7 દિવસ ગરમીનું જોર વધશે, હવામાન વિભાગની હિટવેવની ચેતવણી

Gujarat Weather Forecast : ગુજરાતમાં આગામી દિવસોમાં તાપમાનમાં નોંધપાત્ર વધારો થવાની શક્યતા વ્યક્ત કરવામાં આવી છે. હવામાન વિભાગ દ્વારા જાહેર કરવામાં આવેલી આગાહી અનુસાર રાજ્યમાં ગરમીનું જોર વધશે અને હિટવેવ જેવી પરિસ્થિતિ સર્જાઈ શકે છે.

ખાસ કરીને 23 થી 26 એપ્રિલ દરમિયાન યલો એલર્ટ જાહેર કરવામાં આવ્યું છે, જે લોકોને સાવચેત રહેવાની સૂચના આપે છે. હવામાન નિષ્ણાત રામાશ્રય યાદવના જણાવ્યા મુજબ, આગામી દિવસોમાં તાપમાનમાં 2 થી 3 ડિગ્રી સુધીનો વધારો થઈ શકે છે. 26 એપ્રિલના દિવસે તાપમાન 40 થી 43 ડિગ્રી સેલ્સિયસ સુધી પહોંચી શકે છે, જે સામાન્ય કરતાં વધુ ગણાય છે.

આ પણ વાંચો : અગન ભઠ્ઠીમાં શેકાયું ગુજરાત, 48 કલાકમાં ભારે ગરમીની આગાહી, આ શહેરોમાં પારો 41 ડિગ્રીને પાર

આ ઉપરાંત, દરિયાકાંઠાના વિસ્તારોમાં ભેજનું પ્રમાણ વધુ રહેવાના કારણે ઉકળાટભર્યું વાતાવરણ અનુભવાશે. આવી સ્થિતિમાં લોકોને ખાસ કાળજી રાખવાની સલાહ આપવામાં આવી છે, જેમ કે બપોરના સમયે બહાર નીકળવાનું ટાળવું, પૂરતું પાણી પીવું અને ગરમીથી બચવાના ઉપાયો અપનાવા. હવામાન વિભાગે સ્પષ્ટ કર્યું છે કે આગામી સાત દિવસ સુધી ગરમીનો પ્રભાવ યથાવત રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ