સુરત / કોઇકની રોંગ સાઈડ અજાણ્યા બાઈક ચાલકને ભારે પડી, મળ્યું મોત, CCTV કાળજું કંપાવનારા

Surat Bike Road Accident : સુરતમાં ફરી એકવાર અકસ્માતમાં એક યુવકનું મોત થયું છે. વાસ્તવમાં ડાયમંડ સિટી સુરતમાં એક હીરા કારખાનેદારનું માર્ગ અકસ્માતમાં મોત થયું છે. વિગતો મુજબ સુરત શહેરના કતારગામ વિસ્તારમાં ગઈકાલે એક દુઃખદ અકસ્માત બન્યો જેમાં હીરા કારખાનેદાર નિકુંજ સવાણીનું મૃત્યુ થયુ છે. ઘટનાની જાણ થતાં મૃતકના પરિજનો ઘેરા શોકમાં ગરકાવ થઈ ગયા છે.

આ ઘટનામાં એક મોટી વાત એ છે કે, આ યુવક રોંગ સાઈડ આવતા એક બાઇક ચાલકને બચાવવા જતાં તેમનું બાઇક સ્લીપ થઈ ગયું હતું. આ સમગ્ર ઘટનાના CCTV પણ સામે આવ્યા છે. જે આધારે પોલીસ દ્વારા વધુ તપાસ હાથ ધરવામાં આવી છે.

View this post on Instagram

A post shared by Sambhaav Nascent LLP (@vtv_gujarati_news)

શું હતી સમગ્ર ઘટના ?

સુરતમાં કતારગામ વિસ્તારમાં હીરા કારખાનેદાર નિકુંજ સવાણી પોતાનું બાઇક લઈને પસાર થઈ રહ્યા હતા. આ તરફ રોડ પર રોંગ સાઈડમાં આવતા બાઈકને બચાવવાનો પ્રયાસ કરતી વખતે નિકુંજ સવાણીએ બાઇકનું સંતુલન ગુમાવી દેતાં તેઓ બાજુમાં પસાર થઈ રહેલી સિટી બસના ટાયર નીચે કારખાનેદાર આવી જતાં તેમનું મોત થયું છે.

આ વાંચો : જાહેરમાં ઘાસચારો નહીં વેચાય, તો મોટા અવાજે...! ઉત્તરાયણને લઇ પોલીસનું જાહેરનામું

આ તરફ અકસ્માતની સમગ્ર ઘટના નજીકની CCTV કૅમેરામાં કેદ થઈ ગયા બાદ હવે પોલીસ વધુ તપાસ હાથ ધરી છે. જોકે અકસ્માતના દ્રશ્યોને જોઈ લોકો અલગ-અલગ મત રજૂ કરી રહ્યા છે કે, રોંગ સાઈડ આવતા બાઇકને કારણે અકસ્માત થયો અને કોઈ કહી રહ્યા છે કે, મૃતકનું બાઇક પણ સ્પીડમાં હતું. જોકે આ બધી ચર્ચાનો વચ્ચે સ્થાનિક પોલીસે CCTVને આધારે આ મામલે વધુ તપાસ હાથ ધરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ