ગુજરાત / આજે પણ આકાશમાંથી વરસી આફત, આ જિલ્લાઓમાં કમોસમી વરસાદે બોલાવી સટાસટી

રાજ્યમાં ભર ઉનાળે કમોસમી વરસાદની લહેર જામી છે, ત્યારે આજે વિવિધ જિલ્લાઓમાં કમોસમી વરસાદ વરસ્યો છે, જેના પગલે ખેડૂતોને ખેતી પાકમાં ભારે નુકસાન થવાની ભીંતિ સેવાઈ રહી છે. ગીર ગઢડા, જૂનાગઢ, અમરેલી સહિત વિવિધ જિલ્લાઓમાં વરસાદ ખાબક્યો છે.

ગીર ગઢડામાં વરસાદ

ગીર ગઢડામાં વિરામ બાદ ફરી વરસાદ શરૂ થયો છે. જરગલી,વડવિયાળા સહિતના ગ્રામ્ય વિસ્તારોમાં વરસાદ વરસ્યો છે. અવિરત વરસાદથી ખેતીપાકમાં મોટું નુકસાન થયું છે. કેરી સહિતના પાકમાં નુકસાનથી ખેડૂતો પાયમાલ થયા છે

કેશોદમાં કમોસમી વરસાદની આફત

જૂનાગઢના કેશોદમાં કમોસમી વરસાદની આફત વરસી છે. શોદના અજાબમાં ભારે વરસાદથી રસ્તાઓ પાણી-પાણી થયા છે, ત્યારે કમોસમી વરસાદથી ખેતીપાકોમાં નુકસાનની ભીતિ સેવાઈ રહી છે. સરકાર સરવે કરીને વળતર આપે તેવી માગ કરી છે.

આ પણ વાંચો: 'Thank You, જણાવવા માટે કે કિરાના હિલ્સમાં...', પ્રેસ કોન્ફરન્સમાં એવું તે શું પૂછ્યું કે સેનાએ આપ્યો જોરદાર જવાબ

અમરેલીમાં સતત સાતમા દિવસે માવઠાનો માર

અમરેલી જિલ્લામાં સતત સાતમા દિવસે માવઠાનો માર વરસ્યો છે. સાવરકુંડલા અને આસપાસના વિસ્તારોમાં વરસાદ ખાબક્યો છે. ધારીના ગ્રામ્ય વિસ્તારોમાં વરસાદના લીધે વતાવરણમાં ઠંડક પ્રસરી છે તો સતત વરસાદથી ખેતીપાકમાં નુકસાનની ભીતિ સેવાઈ રહી છે

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ