ઓપરેશન સિંદૂર / 'Thank You, જણાવવા માટે કે કિરાના હિલ્સમાં...', પ્રેસ કોન્ફરન્સમાં એવું તે શું પૂછ્યું કે સેનાએ આપ્યો જોરદાર જવાબ

ઓપરેશન સિંદૂર અંગે ત્રણેય સેનાના ડીજીએ એક પ્રેસ બ્રીફિંગ યોજી હતી. આ દરમિયાન ભારતીય સેનામાં ડાયરેક્ટર જનરલ ઓફ મિલિટરી ઓપરેશન્સ (DGMO) લેફ્ટનન્ટ જનરલ રાજીવ ઘઈએ કહ્યું કે આપણી હવાઈ સંરક્ષણ પ્રણાલી તૈયાર છે. પાકિસ્તાન આપણી હવાઈ સંરક્ષણ ગ્રીડ સિસ્ટમમાં પ્રવેશ કરી શક્યું નથી. આ દરમિયાન વિવિધ સાવલોના જવાબો પણ ત્રણેય સેનાના ડીજીએ જણાવ્યા હતા.

શું સેનાએ કિરાના હિલ્સ,સરગોધાના પર હુમલો કર્યો ?

આ પ્રેસ વાર્તમાંમાં એક પત્રકારે સાવલ કર્યો હતો કે, શું સેનાએ કિરાના હિલ્સ,સરગોધાના પર હુમલો કર્યો છે? કારણ કે એવી ચર્ચા છે કે ત્યાં પરમાણુ સંગ્રહ છે, જેને નુકસાન થયું છે! જેના જવાબમાં એર માર્શલ ભારતીએ જણાવ્યું હતું કે, આભાર - આ જણાવા માટે કે, કિરાના હિલ્સમાં પરમાણુ છે - અમને આ ખબર નહોતી!

આ પણ વાંચો: DGMOએ કહ્યું 'રાઇના દાણા જેટલું પણ પાકિસ્તાને નુકસાન નથી પહોંચાડ્યું, હજુય મિશન માટે સેના તૈયાર'

'તેમના પાપનું પાત્ર ભરાઈ ગયું હતું'

રાજીવ ઘઇએ કહ્યું કે, આતંકવાદી ઘટનાઓની તોર અને તરીકાઓ બદલાઈ રહ્યાં છે. આપણી સેનાની સાથે આપણા નિર્દોષ નાગરિકો, જેઓ પોતાનો બચાવ કરવામાં અસમર્થ હતા, તેમના પર પણ હુમલા થઈ રહ્યા હતા. 2024માં જમ્મુમાં શિવખોરી મંદિરની મુલાકાતે આવેલા શ્રદ્ધાળુઓ પર થયેલા હુમલા અને આ વર્ષે એપ્રિલમાં પહેલગામમાં નિર્દોષ પ્રવાસીઓ પર થયેલા હુમલા આ ખતરનાક વલણના ચોક્કસ ઉદાહરણો છે. પહેલગામ આવ્યું ત્યાં સુધીમાં પાપનું આ પાત્ર ભરાઈ ગયું હતું. તે પછી શું થયું તે વિશે આપણે પહેલાથી જ વિગતવાર વાત કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ