આદેશ / સ્કૂલોની મનમાની હવે નહીં ચાલે! સુરતના DEOનો વિદ્યાર્થીઓના હિતમાં મોટો નિર્ણય

ઉનાળું વેકેશન ખુલતાની સાથે જ ખાનગી શાળાઓની મનમાની સામે આવતી હોય છે. FRCના નિયમોનો ઉલાળ્યો કરીને મસમોટી ફી લેવી કે શાળામાંથી જ યુનિફોર્મ, ચોપડા સહિતની સ્ટેશનરીઓ ખરીદવા દબાણ કરાતા હોવાની ફરિયાદ ઉઠે છે. જેને પગલે આ સ્ટેશનરી મર્ચન્ટ એસોસિયેશને કલેક્ટર અને DEOને રજૂઆત કરી હતી.

ખાનગી શાળાઓ હવે નહીં વેચી શકે સ્ટેશનરી

શાળામાં વેચાતા ચોપડા 15થી 20% મોંઘા પડતા હોવાનો દાવો કર્યો હતો. તો શાળામાં સ્ટેશનરી વેચીને વાલીઓ સાથે લૂંટ ચલાવાતી હોવાનો પણ આક્ષેપ કરાયો હતો. જેને પગલે જિલ્લા શિક્ષણ અધિકારીએ પરિપત્ર બહાર પાડી ખાનગી શાળાઓને સ્ટેશનરી ન વેચાવા આદેશ કર્યો છે. જો કોઇપણ શાળા યુનિફોર્મ કે સ્ટેશનરી શાળામાંથી જ ખરીદવા વાલીઓને દબાણ કરશે તો દંડનીય કાર્યવાહી કરાશે.આમ છતાં શાળા નિયમોનું ઉલ્લંઘન કરશે તો માન્યતા રદ કરવા સુધીના પગલા લેવાશે.

આ પણ વાંચો: 'દારૂના ધંધામાં પોલીસની એજન્સી છે' અમરેલી SP સામે ભાજપના નેતાઓના ગંભીર આક્ષેપ

'આર્થિક નુકસાન વિદ્યાર્થીને જ થાય છે'

સ્ટેશનરીના દુકાનદારે કહ્યું કે, ઘણીબધી સ્કૂલોમાંથી જ વિદ્યાર્થીઓને સ્ટેશનરી અને બુકો આપવામાં આવે છે, જેમાં કેટલીક બુક બોળકોને ન આપવામાં આવતી હોવાથી બોળકો તે બુક્સો માટે સ્ટેશનરી સુધી ધક્કા ખાય છે અને જે બુક્સ એક કે બે જ લેવાની હોવાથી સ્ટેશનરીના દુકાનદાર તેનું ડિસ્કાઉન્ટ પણ નથી આપતા જેનાથી આર્થિક નુકસાન વિદ્યાર્થીને જ થાય છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ