વિવાદ / જૂનાગઢના વંથલીમાં જમીન વિવાદે વૃદ્ધનો આપ*ત, પરિવારજનો પર ત્રાસનો આક્ષેપ

Junagadh News: જુનાગઢના વંથલી ગામમાંથી એક સમાચાર સામે આવ્યા છે જેમાં વંથલીના ગાદોઈ ગામના કરસનભાઇ કટારિયા નામના વ્યક્તિએ આત્મહટ્યા કરતાં ચકચાર મચી છે. મળતી માહિતી મુજબ જમીનના મુદ્દે ત્રાસી ગયેલા આ વૃદ્ધે આપઘાત કર્યો છે

વધુ મળતી વિગત મુજબ જમીનના 20 વર્ષથી ચાલી આવતા વિવાદને અંતે આખરે કંટાળીને ગાદોઈ ગામના કરસનભાઇ કટારિયાએ આપઘાત કર્યો છે. અઢી વીઘા જમીન માટે તેમના ભાઈ અને તેમના દીકરાઓ દ્વારા માનસિક રીતે હેરાન કરતાં હોવાનું પણ સામે આવ્યું છે. સંબધીઓના માનસિક ત્રાસ અને ધમકીઓથી કંટાળીને આખરે વૃદ્ધે મોતને ભેટતા મૃતકના દીકરાએ 5 લોકો વિરુદ્ધ ફરિયાદ દાખલ કરી છે અને જેમાં SRP જવાન સહિત પરિવારના પાંચ સભ્યોનો સમાવેશ થાય છે.

મૃતકના દીકરાની ફરિયાદના પગલે વંથલી પોલીસે ફરિયાદ નોંધીને વધુ તપાસ હાથ ધરી છે જેમાં મૃતક પાસેથી એક સ્યુસાઇડ નોટ પણ મળી હોવાનું સામે આવ્યું છે. માહિતી મુજબ સીમમાં આવેલી ખેતીની જમીન નામે કરવા માટે તેમના ભાઈ અને SRP કર્મચારી સહિત કુલ 5 લોકો તેમને માનસિક ત્રાસ આપી રહ્યા હત અને અંતે કંટાળીને 16 દિવસ પહેલા જ તેમણે પોતાના ઘરમાં જ ગળે ફાંસોખલી લીધી હોવાનું સામે આવ્યું છે. હાલ કરસનભાઇના દીકરા નિલેશભાઈએ કુલ 5 લોકો સામે ફરિયાદ નોંધાવી છે.

આ પણ વાંચો: નવનીત બાલધિયા કેસમાં તપાસ તેજ, બે PIની પૂછપરછ

પોલીસ પાસેથી મળતી માહિતી અનુસાર કરસનભાઈના દીકરાએ જણાવ્યું હતું કે પિતા કરશનભાઇ અને તેમની 2 બહેનોના નામે વંથલીના ગાદોઈ ગામની સીમમાં સંયુક્ત માલિકીની જમીન આવેલી છે. જે જમીન આશરે 20 વર્ષ પહેલા કરશનભાઈએ તેના કાકાના દીકરા દુર્લભભાઈને વાવવા માટે આપી હતી. ત્યારબાદ જ્યારે કરસન ભાઈએ તેમની જમીન પાછી માંગી ત્યારે તેમણે આપવાની ના પાડી દીધી હતી. અને તેમના કાકાના દીકરા આ જમીન તેમણે નામે કરી આપવા માટેકરસંભાઈ પર ખૂબ દબાણ કરતાં હતા અને માનસિક ત્રાસ આપતા હતા જેના પગલે તેમણે આપઘાત કર્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ