મોટી જાહેરાત / BIG NEWS: ગુજરાતમાં આજથી પેટ્રોલ 12 અને ડીઝલ 17 રૂપિયા સસ્તું, કેન્દ્ર બાદ રાજ્ય સરકારે 7 રૂપિયા વેટ ઘટાડ્યો

Team VTV 12:35 AM, 04 Nov 21 | Updated: 01:39 AM, 04 Nov 21
Gujarat Government announces Reduction petrol and diesel prices

દિવાળીના તહેવારોમાં સામાન્ય જનતાને એક મોટી રાહત આપતા કેન્દ્ર સરકારે પેટ્રોલ અને ડીઝલ પરની એક્સાઈઝ ડ્યુટી ઘટાડી છે, ત્યારે હવે ગુજરાત સરકારે પણ મોટી રાહત આપી છે.

  • ગુજરાત સરકારે પેટ્રોલ-ડીઝલના વેટમાં 7 રૂપિયાનો કર્યો ઘટાડો
  • કેન્દ્ર સરકારે એક્સાઇઝ ડ્યુટીમાં કર્યો ઘટાડો 
  • હવે ગુજરાતમાં પેટ્રોલ 12 રૂ. અને ડીઝલ 17 રૂ. સસ્તુ!
  • આજથી સમગ્ર ગુજરાતમાં નવો ભાવ લાગુ

કેન્દ્ર સરકારે પેટ્રોલ પરની એક્સાઈઝ ડ્યુટીમાં 5 રૂપિયા અને ડીઝલની એક્સાઈઝ ડ્યુટીમાં 10 રૂપિયાનો ઘટાડો કર્યો છે. ત્યારે હવે ગુજરાત સરકારે પણ મોટી જાહેરાત કરી છે. મુખ્યમંત્રી ભૂપેન્દ્ર પટેલે પેટ્રોલ-ડીઝલના ભાવમાં લીટરે 7 રૂપિયાનો ઘટાડો કરવાની જાહેરાત કરી છે. પેટ્રોલ-ડીઝલ પરનો વેટ ઘટાડીને સમગ્ર ગુજરાતમાં નવો ભાવ લાગૂ કરવાનો નિર્ણય કર્યો છે.

હવે પેટ્રોલ 12 રૂ. અને ડીઝલ 17 રૂ. સસ્તુ!

ભારતના મોટા ભાગના શહેરોમાં પેટ્રોલ 100 રૂપિયા પ્રતિ લિટરને પાર થઈ ગયો છે અને લગભગ રોજ 35 પૈસા મોંઘુ થઈ રહ્યું છે. 4 ઓક્ટોબર 2021થી 25 ઓક્ટોબર સુધી પેટ્રોલની એવરેજ કિંમત 8 રૂપિયા વધ્યું છે. પેટ્રોલ અને ડીઝલની મોંઘવારીનો માર સહન કરી રહેલા લોકોને એક મોટી રાહત આપતા કેન્દ્ર સરકારે પેટ્રોલ અને ડીઝલ પરની એક્સાઈઝ ડ્યુટીમાં મોટો ઘટાડો કરતા પેટ્રોલમાં 5 રુપિયા અને ડીઝલમાં 10 રુપિયા સસ્તું થયું છે. તો આ સાથે ગુજરાત સરકારે વેટમાં ઘટાડો કર્યો છે. જેને લઇને ગુજરાતની જતાને મોટી રાહત મળી છે. કેન્દ્ર અને રાજ્ય સરકાર બન્નેના નિર્ણય બાદ ગુજરાતમાં સરેરાશ પેટ્રોલ 12 રૂપિયા અને ડીઝલ 17 રૂપિયા સસ્તુ થયું છે.

મહત્વનું છે કે ગુજરાત સહિત બિહાર, આસામ અને ત્રિપુરા સરકારે એક્સાઈઝ ડ્યુટીમાં ઘટાડો કર્યો છે. તો આ સિવાયના અન્ય રાજ્યો પણ ટુંક સમયમાં વેટમાં ઘટાડો કરશે. જેને લઇને પેટ્રોલ-ડીઝલના ભાવમાં મોટો ઘટાડો થશે.

આજથી નવા ભાવ અમલી બનશે 

દિવાળીની પૂર્વસંધ્યાએ ભારત સરકારે પેટ્રોલ અને ડીઝલ પરની એક્સાઈઝ ડ્યુટીમાં ઘટાડાની જાહેરાત કરી છે. પેટ્રોલ અને ડીઝલ પર એક્સાઈઝ ડ્યુટી ગુરુવારથી ક્રમશ 5 રુપિયા અને 10 રુપિયા ઘટી જશે. પેટ્રોલની તુલનામાં ડીઝલ પરની એક્સાઈઝ ડ્યુટીમાં ઘટાડો બમણો હશે. તો ગુજરાત સરકારે વેટમાં કરેલા ઘટાડાના કારણે આગામી રવિ સિઝનમાં ખેડૂતોને મોટો ફાયદો થશે.

On eve of #Diwali, Government of India announces excise duty reduction on petrol and diesel. Excise duty on Petrol and Diesel to be reduced by Rs 5 and Rs 10 respectively from tomorrow pic.twitter.com/peYP1fA4gO

— ANI (@ANI) November 3, 2021

gujarat petrol and diesel ગુજરાત પેટ્રોલ ડીઝલ

ટૉપ સ્ટોરીઝ

સૌથી વધુ વંચાયેલ

બ્રેકિંગ ન્યૂઝ