એલર્ટ / વેળાસર ચેતજો! ગુજરાતમાં 40 વર્ષથી ઓછી વયના લોકોમાં આ જીવલેણ બીમારીનું પ્રમાણ વધ્યું

ગુજરાતમાં 40 વર્ષથી ઓછી વયના લોકોમાં હૃદયરોગની ઇમરજન્સીના 30% કેસ નોંધાયા છે. વિશ્વ હૃદય દિવસના દિવસે યુવાનોમાં હૃદયરોગ અંગે અભ્યાસના મોટા તારણો સામે આવ્યાં છે. 2026માં અત્યાર સુધી 108એ હૃદયરોગની ઇમરજન્સીના 71,088 દર્દીઓને સેવા આપી છે. 108 કોલ્સના વિશ્લેષણમાં દર 10માંથી 3 દર્દી 40 વર્ષ કે તેથી ઓછી વયના છે.

યુએન મહેતા ઇન્સ્ટિટ્યૂટમાં 30 વર્ષ સુધી હાર્ટએટેકનો અભ્યાસ

યુએન મહેતા ઇન્સ્ટિટ્યૂટમાં 30 વર્ષ સુધીના હાર્ટ એટેક દર્દીઓ પર અભ્યાસ કરાયો હતો અને તેને આધારે આ તારણો કાઢવામાં આવ્યાં હતા. હાર્ટ એટેકના 53% દર્દીઓમાં કોઈને કોઈ પ્રકારના તમાકુ સેવનનો ઇતિહાસ રહ્યો હતો જ્યારે 51% દર્દીઓ દિવસમાં 30 મિનિટથી પણ ઓછી કસરત કરતા હતા. 49% દર્દીઓ બહારનું ખાવાનું અથવા અનિયમિત સમયે જમતા હતા તથા 28% દર્દીઓએ માનસિક તણાવ હોવાની માહિતી આપી

ગુજરાતમાં હાર્ટ એટેકના બનાવમાં સતત વધારો

ગુજરાતમાં હાર્ટ એટેકના બનાવમાં સતત વધારો થઈ રહ્યો છે. હ્રદય રોગના હુમલાથી અચાનક થતાં મોતના કિસ્સા દરરોજ સામે આવી રહ્યા છે, જે ખૂબ જ ગંભીર બાબત છે. રાજ્યમાં ગયા વર્ષની સરખામણીએ આ વર્ષે ઈમરજન્સી કેસ અને શ્વાસ લેવામાં થતી સમસ્યા તથા હાઈફિવરના કેસમાં જંગી ઉછાળો આવ્યો છે.

વધુ વાંચો : અમદાવાદમાં પાન પાર્લરની આડમાં હાઈબ્રિડ ગાંજાના વેચાણનો પર્દાફાશ, ચાર આરોપીઓની ધરપકડ

હાર્ટ એટેકેથી મોતની ઘટનાઓ વધી

હ્રદય રોગના હુમલાની વાત કરીએ તો રાજ્યમાં દરરોજ કોઈને કોઈનું હાર્ટ એટેકથી મૃત્યુ થાય છે. કોઈ વ્યક્તિ અચાનક ચિર નિંદ્રામાં પોઢી જાય છે, તો કોઈ ગરબાની પ્રેક્ટિસ દરમિયાન અચાનક ઢળી પડે છે, કોઈ ક્રિકેટ રમતા રમતા બેભાન થઈ જાય છે. તો કોઈ ઓફિસ કે કારખાનામાં કામ કરતા કરતા હૃદયરોગના અચાનક હુમલાથી મૃત્યુને ભેટે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ