વિરોધ / ગુજરાત કોંગ્રેસમાં ઉકળતા ચરૂ જેવી સ્થિતિ, વધુ એક નેતાએ સોશિયલ મીડિયામાં પોસ્ટ શેર કરી નારાજગી વ્યક્ત કરી

• ગુજરાત કોંગ્રેસમાં ઉકળતા ચરૂ જેવી સ્થિતિ
• કોંગ્રેસના દિનેશ શર્મા આકરા પાણીએ
• પક્ષને નુકસાન કરતાને લીધા આડેહાથે

मुजसे ना हो सकेगा हाकीम का एहेतराम,
मेरी जुबां के वास्ते ताले खरीद लो !@RahulGandhi @priyankagandhi @DixitGujarat @tv9gujarati @GSTV_NEWS @pranavpatel1424 @VtvGujarati @HIRENRAJYAGURU6 @sandeshnews @MantavyaMedia

— Dinesh Sharma (@DineshsharmaGuj) February 21, 2022

અમદાવાદ મનપાના પૂર્વ વિપક્ષ નેતા દિનેશ શર્મા આકરા પાણીએ

ગુજરાત પ્રદેશ કોંગ્રેસમાં નારાજગી દોર યથાવત રહેવા પામ્યો છે. એક પછી એક નેતાઓ પોતાની પાર્ટી નેતાઓ સમક્ષ પોતાના નારાજગી વ્યક્ત કરી રહ્યા છે.AMCના પૂર્વ વિપક્ષ નેતા દિનેશ શર્માએ ટ્વિટ કરી પોતાની વેદના ઠાલવી હતી.  

કોંગ્રેસ પક્ષને નુકસાન કરતા લોકોને લીધા આડેહાથે

AMCના પૂર્વ વિપક્ષ નેતા દિનેશ શર્માએ કોંગ્રેસ પક્ષને નુકસાન કરતા લોકોને આડેહાથે લીધા છે. તેમણે પક્ષને પક્ષમાં રહીને નુક્સાન કરતાં લોકો પર સોશિયલ મીડિયામાં શાયરી પોસ્ટ કરીને નિશાન સાધ્યુ હતું. તેમણે જણાવ્યું હતું કે, તઓ ટૂંક સમયમાં  કોંગ્રેસને નુકશાન કરનારા નેતાઓના નામ જાહેર કરશે. 

શાયરી પોસ્ટ કરી દિનેશ શર્માએ નામ જાહેર કરવા આપ્યા સંકેત

દિનેશ શર્માએ સોશિયલ મીડિયામાં હું ચૂપ નહીં રહું તેવું લખીને સ્પષ્ટ સંકેતો આપ્યાં હતાં કે, તેઓ દિલ્લી સુધી કોંગ્રેસ વિરોધી તત્વોની ફરિયાદ કરીશ અને જરૂર પડશે તો નેતાઓના નામ જાહેર કરીશ. તેમણે જણાવ્યું કે, કોંગ્રેસના નેતાઓ લોહિ રેડી કોંગ્રેસ પક્ષનું સિંચન કર્યું છે. પરંતુ આજે પાર્ટીમાં કેટલાક ખોટા નિર્ણય લેવામા આવી રહ્યા છે. જે અંગે મારા નારાજગી છે.

આજે જયરાજસિંહ સાથે તેમના સમર્થકો પણ ભાજપમાં સામેલ થશે. 

ઉલ્લેખનીય છે કે, આ પહેલા જયરાજસિંહ પરમારે કૉંગ્રેસની કામગીરી અને નેતાઓની નિષ્ક્રિયતાથી નારાજ થઈને પક્ષ છોડી દીધો હતો. ચાર વિધાનસભા અને લોકસભાની ચૂંટણીમાં કોંગ્રેસે વાયદો કર્યા બાદ ટિકિટ ન આપતાં જયરાજસિંહ પરમારે કોંગ્રેસમાંથી રાજીનામું આપી દીધું હતું. આજે જયરાજસિંહ ગાંધીનગરમાં કમલમ ખાતે વિધિવત રીતે સવારે 11 વાગ્યે ભાજપનો ખેસ ધારણ કરશે. જયરાજસિંહ પરમારે આ પહેલા ભાજપના પ્રદેશ પ્રમુખ સીઆર પાટીલ સાથે મુલાકાત કરી હતી. આજે જયરાજસિંહ સાથે તેમના સમર્થકો પણ ભાજપમાં સામેલ થશે.