ગુજરાત / ભાજપની પ્રદેશ ચૂંટણી સમિતિમાં 19 સભ્યોનો સમાવેશ

Gujarat Political News: ગુજરાતમાં આગામી દિવસોમાં સ્થાનિક સ્વરાજ્યની ચૂંટણીઓ યોજાવાની છે. જને લઇને ભાજપ દ્વારા ગુજરાતની પ્રદેશ ચૂંટણી સમિતિ જાહેર કરવામાં આવી છે, જેમાં 19 સભ્યોનો સમાવેશ કરાયો છે.

આ નવી સમિતિમાં મુખ્યમંત્રી ભુપેન્દ્ર પટેલ, ગુજરાત પ્રદેશ અધ્યક્ષ જગદીશ વિશ્વકર્મા, નાયબ મુખ્યમંત્રી હર્ષ સંઘવી સહિતના અગત્યના નેતાઓનો સમાવેશ કરાયો છે. તેમ જ પૂર્વ નાયબ મુખ્યમંત્રી નીતિન પટેલ, પૂર્વ મંત્રીઓ અને સંગઠનના અનુભવી કાર્યકરોને પણ મહત્વ આપવામાં આવ્યું છે. જાણકારોના મત્તે ભાજપ દ્વારા લેવામાં આવેલો આ નિર્ણય આવનારી સ્થાનિક સ્વરાજની ચૂંટણીને ધ્યાનમાં રાખીને કરવામાં આવ્યો છે, જેમાં ઉમેદવારોની પસંદગીથી લઈને ચૂંટણી રણનીતિ સુધી તમામ નિર્ણયો આ સમિતિ દ્વારા લેવામાં આવશે.

દરેક વિસ્તારમાંથી પ્રતિનિધિત્વ મળી રહે તે માટે તમામ વિસ્તાર અને તમામ મોર્ચાના પ્રતિનિધિઓનો સ્થાન અપાયું છે. મહિલા અને અનુસૂચિત જાતિના નેતાઓને પણ સમિતિમાં સામેલ કરીને સામાજિક સંતુલન જાળવવાનો પ્રયાસ કરાયો છે.

આ પણ વાંચોઃ ઉ. ગુજરાતના રેલવે મુસાફરો માટે ગુડ ન્યૂઝ, ભક્તો માટે આ ટ્રેન થશે આશીર્વાદરૂપ સાબિત

ચાર પૂર્વ પ્રદેશ પ્રમુખોને વિશેષ આમંત્રિત સભ્ય તરીકે સમાવેશ. આ ઉપરાંત વિશેષ આમંત્રિત સભ્યો તરીકે કેટલાક વરિષ્ઠ નેતાઓને પણ જોડવામાં આવ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ