રાજકોટ / કોળી સમાજના અધ્યક્ષ પદના વિવાદ પર કુંવરજી બાવળિયાનું મોટું નિવેદન

Kunvarji Bavaliya : અખિલ ભારતીય કોળી સમાજના અધ્યક્ષ પદને લઈને ચાલી રહેલી ચર્ચાઓ અને વિવાદ વચ્ચે કુંવરજી બાવળિયાએ પોતાની ભૂમિકા અંગે સ્પષ્ટતા કરી છે. વાસ્તવમાં કુંવરજી બાવળિયાએ જણાવ્યું કે, તેઓ અગાઉ પણ અખિલ ભારતીય કોળી સમાજના અધ્યક્ષ તરીકે સેવા આપી ચૂક્યા છે અને હાલ તેમને કાર્યકારી અધ્યક્ષ તરીકે જવાબદારી સોંપવામાં આવી છે.

કુંવરજી બાવળિયાના જણાવ્યા મુજબ આગામી છ મહિના સુધી તેઓ કાર્યકારી અધ્યક્ષ તરીકે સમાજની કામગીરી સંભાળશે. આ સમયગાળા દરમિયાન સંગઠનની ચૂંટણી પ્રક્રિયા પારદર્શક રીતે પૂર્ણ કરવા માટે જરૂરી તમામ તૈયારીઓ કરવામાં આવશે. તેમાં મતદાર યાદી તૈયાર કરવી, ચૂંટણીની રૂપરેખા ઘડવી તેમજ સંગઠનના નિયમો મુજબ જરૂરી પ્રક્રિયાઓ પૂર્ણ કરવાનો સમાવેશ થાય છે.

આ પણ વાંચો : ગુજરાતમાં ચોમાસાનું જોર વધ્યું: અમરેલી-સાયલામાં સૌથી વધુ વરસાદ, અનેક વિસ્તારોમાં ઠંડકનો અહેસાસ

આ સાથે તેમણે સ્પષ્ટ શબ્દોમાં જણાવ્યું કે, તેઓ કોળી સમાજના અધ્યક્ષ પદની ચૂંટણી લડવાના નથી. તેમનો મુખ્ય ઉદ્દેશ સંગઠનને મજબૂત બનાવવાનો અને ચૂંટણી પ્રક્રિયાને સુચારૂ રીતે પૂર્ણ કરવાનો છે. જોકે જો સમાજના આગેવાનો અને સભ્યો સર્વસંમતિથી તેમને જવાબદારી સોંપવાનો નિર્ણય કરશે તો તેઓ તે જવાબદારી સ્વીકારવા તૈયાર રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ