ખુશખબર / પ્રોપર્ટી ટેક્સ ભરનારને મોટી રાહત! આજથી 31 માર્ચ સુધી વ્યાજ માફી સ્કીમ અમલી

AMC Tax Interest Waiver Scheme: અમદાવાદ મ્યુનિસિપલ કોર્પોરેશન દ્વારા 1 જાન્યુઆરી 2026 થી 31 માર્ચ 2026 સુધી પ્રોપર્ટી ટેકસમાં વ્યાજ માફી સ્કીમનું અમલીકરણ કરવામાં આવ્યું છે. પરંતુ આ સ્કીમ વર્ષ 2025-26ના બીલ ઉપર લાગુ પડશે નહીં. જાન્યુઆરી મહિનામાં રેસિડેન્શિયલ મિલકતો માટે વ્યાજમાં 85% તથા કોમર્શિયલ મિલકત માટે વ્યાજમાં 65% જેટલી માફી ટેકસપેયર્સને મળશે. આ સ્કીમથી કોર્પોરેશનને રૂપિયા 500 કરોડથી વઘુ આવક થશે તેવો અંદાજો છે.

કયા મહિનામાં કેટલું વ્યાજ માફ

• જાન્યુઆરી 85% (રહેણાંક) 65 % (કોમર્શિયલ)
• ફેબ્રુઆરી 80 % (રહેણાંક) 60 % (કોમર્શિયલ)
• માર્ચ 75 % (રહેણાંક) 50 % (કોમર્શિયલ)

જો વાત કરીએ અમદાવાદ શહેરની તો અમદાવાદમાં કુલ 15 લાખથી વઘુ રેસિડેન્શિયલ અને 7 લાખથી વઘુ કોમર્શિયલ મિલકતો આવેલી છે. આમ કુલ મળીને 22 લાખથી વઘુ મિલકતોના ધારકોને જુની અને નવી ફોર્મ્યુલા મુજબ પ્રોપર્ટી ટેકસના વ્યાજમા અલગ અલગ સ્લેબમાં છૂટ આપવાનો નિર્ણય AMC દ્વારા લેવાયો છે જે 31 માર્ચ સુધી અમલી રહેશે. જો કે આ વ્યાજમાફી સ્કીમ અંતર્ગત ચાલી અને ઝૂંપડાવાળી મિલકત ધારકોને વ્યાજમાં 100% એટલે કે સંપૂર્ણ માફી આપવામાં આવશે. જુની ફોર્મ્યુલા અંતર્ગત 1 જાન્યુઆરીથી 31 માર્ચ 2026 સુધી રહેણાંક અને કોમર્શિયલ બંને પ્રકારની મિલકત માટે વ્યાજમાં 100% માફી આપવામાં આવશે. ખાસ એ વાત ધ્યાનમાં રહે કે આ વ્યાજ માફી સ્કીમ વર્ષ-2025-26ના બાકી પ્રોપર્ટી ટેકસ માટે લાગૂ પડશે નહીં.દર મહિને વ્યાજ માફીના ટેક્સમાં પાંચ ટકા ઘટાડો થશે.

આ પણ વાંચો: માવઠાની આગાહી વચ્ચે અમદાવાદ સહિત ગુજરાતભરમાં કમોસમી વરસાદ, ખેડૂતો ચિંતિત

જો કે ઉલ્લેખનીય છે કે કોર્પોરેશન દ્વારા બાકી રહેલા પ્રોપર્ટી ટેક્સ પર 18% વ્યાજ વસૂલ કરવામાં આવે છે. જેની કુલ રકમમાં (વર્ષ 2025-26 સિવાય) રાહત આપવામાં આવી છે. અમદાવાદમાં કુલ 25.89 લાખ ટેક્સ ધારકો છે જેમાં 6.52 લાખ કોમર્શિયલ જ્યારે 19.37 લાખ રહેણાંક મિલકત ધારકો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ