ટ્રાવેલ / મુંબઇથી ગોવા જવા માટે કાચની છત વાળી ટ્રેનમાં કરાવો બુકિંગ, ક્યારેય નહીં ભૂલી શકો સફર

મુંબઇથી ગોવા આ ટ્રેનથી સફર કરવા પર તમને વેસ્ટર્ન ઘાટની હરિયાળી અને કોંકણના સુંજર નજારા જોવા મળશે. ટ્રેનની બારીઓની સાથે કાચની છતમાં આ નજારો તમને સ્પષ્ટ જોવા મળશે. 

કોંકણની સુંદર ટનલથી જ્યારે ટ્રેન પસાર થાય છે તો ત્યાં ના સુંદર નજારા તમારું મન મોહી લેશે. ટ્રેનમાં ક્યારે સફર શરૂ થશે ક્યારે પૂરી થશે તમને ખબર પણ પડશે નહીં. 

કાચની છત વાળી આ ટ્રેન મુંબઇના દાદરથી ઉપડે છે અને ગોવાના મડગાંવ સુધી જાય છે. આ ટ્રેનની બારીઓની સાઇઝ સામન્ય ટ્રેનની બારીઓ કરતા મોટી છે. સફર દરમિયાનનો એક્સપીરિયન્સ તમને હંમેશા યાદ રહેશે. 

ટ્રેનની કોચમાં તમારા માટે બીજી પણ ઘણી સુવિધાઓ છે. એમાં તમને 12 એલસીડી ટીવી અને એક ફ્રીઝ, ઓવન, જ્યૂસર અને ગ્રાઇન્ડરની સુવિધા આપવામાં આવી છે. આ કોચની ખુરશીઓ 360 ડિગ્રી સુધી રોટેટ થાય છે.