સાવધાન / સોશ્યલ મીડિયા પર અંગત માહિતી શેર કરતા પહેલાં યુવતીઓ ચેતી જજો, સાયબર બુલીંગનો બની જશો શિકાર

Cyber Crime : ડિઝીટલ યુગમાં ડિઝીટલ અને સોશ્યલ મિડીયાનો ક્રેઝ સતત વધી રહ્યો છે. લોકો આ ક્રેઝમાં પોતાની અંગત માહીતી પણ સોશ્યલ મિડીયામાં શેર કરતા વિચારતા નથી. જેનો ફાયદો સાયબર ક્રીમનલ ઉઠાવી રહ્યા છે. સોશ્યલ મિડીયા પર યુવતીઓ સૌથી વધુ ટાર્ગેટ થઈ રહી છે. યુવતીઓના ફોટો મોર્ફ કરીને અશ્લીલ ફોટો બનાવવા, સોશ્યલ મીડિયામાં ડમી પ્રોફાઈલ બનાવીને અશ્લીલ ફોટાની રિલ્સ બનાવીને બ્લેકમેઇલ કરવા તેમજ યુવતીઓ પાસેથી પૈસા કે બિભત્સ માંગણી કરવાના કિસ્સાઓ વધી રહ્યા છે.

ગુજરાતમા દરરોજ 30થી વધુ યુવતીઓ સ્ટેટ સાયબર સેલમા ફરિયાદ કરી રહી છે. દર મહિને આ આંકડો 1000થી વધી રહ્યો છે. યુવતીઓ હવે સોશ્યલ મિડીયા પર સુરક્ષિત નથી જેના કારણે અનેક યુવતીઓ આપઘાત સુધીનો અંતિમ નિર્ણય લઈ રહી છે. સાયબર ક્રાઈમની તપાસમાં યુવતીઓ સૌથી વધુ પોતાના પરચિત મિત્ર કે સંગા સંબંધીઓના કારણે હેરાનગતીનો ભોગ બની રહી હોવાનુ પણ ખુલ્યુ છે.

સાયબર ક્રાઈમમા બુલીંગ સાયબર યુનીટ સક્રીય છે. જેમાં યુવતીઓ સાથે થતી હેરાનગતી અને બ્લેકમેઈલીંગના કેસો નોંધાય છે. યુવતીઓ સૌથી વધુ સાયબર બુલીંગનો શિકાર થઈ રહી છે. સાયબર બુલીંગની વાત કરીએ તો કોઈ વ્યકિત વિશે ઓનલાઈન ખોટી માહિતી ફેલાવવી, જેનાથી વ્યકિત અપમાનિત થાય, અજાણ્યા લોકો અથવા ગ્રુપ મેમ્બરને બોલાવીને ઓનલાઈન મજાક ઉડાવવો, કોઈના પર્સનલ ફોટો, વિડીયો, ફોન નંબર કે ઈમેઈલ આઈડી શેર કરવા, સોશ્યલ મિડીયા પર ડમી પ્રોફાઈલ બનાવીને અશ્લીલ ફોટો વાયરલ કરવા તેમજ બદનામ કરવાના કેસોમા વધારો થયો છે. 

વધુ વાંચો : 'આજે અને હમણાં સંયોજક છું કાલે... રાજીનામુ આપવા મામલે વડોદરાના ભાજપ સંયોજક ભરત શાહનું નિવેદન

સાયબર બુલીંગથી કેવી રીતે સુરક્ષિત રહેશો ? 

• સોશ્યલ મિડીયા પર પ્રોફાઈલ પાસવર્ડથી સુરક્ષિત કરો
• અજાણ્યા લોકોની ફ્રેન્ડ રિકવેસ્ટથી સાવચેત રહો
• પોતાના પ્રોફાઈલ ફોટો લોક રાખી શકો છો
• સોશ્યલ મિડીયા પર પોસ્ટ મુકો તો સિલેકટેડ મિત્રો સુધી પબ્લિશ કરો
• પબ્લિક માટે પોસ્ટ શેર ના કરો
• કોઈ રીલેશનશીપમાંઆ હોય તો વિડીયો કે ફોટો બનાવતા ચેતવુ
• સોશ્યલ મિડીયા પર અજાણ્યા વ્યકિત સાથે મિત્રતા કરતા ટાળો
• બ્લેકમેઈલ કે હેરાનગતી વધે તો 1930 પર કોલ કરી મદદ મેળવો

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો