આજથી મે મહિનો શરૂ થયો છે. મહિનાના પહેલા દિવસે જ શર્બજાર બંધ છે. આજે માર્કેટ સેગમેન્ટમાં કોઈ કારોબાર નહીં થાય. મતલબ કે આજે શેરની ખરીદ-વેચાણ થશે નહીં. મહારાષ્ટ્ર દિવસ દર વર્ષે 1 મેના રોજ ઉજવવામાં આવે છે. આ નિમિતે મહારાષ્ટ્રમાં આજે સરકારી રજા છે. આવી સ્થિતિમાં BSE અને NSE મુંબઈમાં છે, જેના કારણે બજારમાં પણ રજા છે. જો કે બજાર દર સપ્તાહના શનિવાર અને રવિવારે બંધ રહે છે, પરંતુ મે મહિનામાં એના સિવાય પણ અન્ય રજાઓ છે. દેશમાં લોકસભા ચૂંટણી માટે મતદાન ચાલી રહ્યું છે. મહારાષ્ટ્રમાં સામાન્ય ચૂંટણી 2024ના પાંચમા તબક્કામાં 20 મે 2024 (સોમવાર)ના રોજ મતદાન થશે. એવામાં આ દિવસે પણ શેરબજાર બંધ છે. આનો અર્થ એ છે કે વિકેન્દ સહિત આ મહિનામાં કુલ 10 દિવસ બજારમાં કોઈ વેપાર થશે નહીં.
ડેરિવેટિવ્ઝ સેગમેન્ટમાં કોઈ ટ્રેડિંગ થશે નહીં
BSE વેબસાઈટ પર ઉપલબ્ધ હોલિડે 2024 ની યાદી અનુસાર, ઈક્વિટી સેગમેન્ટ, ઈક્વિટી ડેરિવેટિવ સેગમેન્ટ અને SLB સેગમેન્ટ પણ આજે બંધ છે. આ સિવાય કરન્સી ડેરિવેટિવ્ઝ સેગમેન્ટમાં પણ કોઈ ટ્રેડિંગ થશે નહીં. તે જ સમયે, MCX અને NCDEX બંને સેશન પણ આજે બંધ છે.
શેર માર્કેટનું હોલિડે લિસ્ટ
BSE એ શેર બજારનું હોલિડે લિસ્ટ બહાર પાડ્યું છે. આ લિસ્ટ અનુસાર જૂન, જુલાઈ, ઓગસ્ટ, ઓક્ટોબર, નવેમ્બર અને ડિસેમ્બરમાં માત્ર 1-1 દિવસની રજા છે.
વધુ વાંચો: તમે ડીમેટ એકાઉન્ટમાં KYC કરાવ્યું કે નહીં? 1 કરોડથી વધારે રોકાણકારોને ઝટકો
છેલ્લા ટ્રેડિંગ સેશનમાં કેવું રહ્યું બજાર
30 એપ્રિલ 2024 (મંગળવાર) ના ટ્રેડિંગ સેશનમાં સેન્સેક્સ અને નિફ્ટીમાં જબરદસ્ત વધારો જોવા મળ્યો હતો. નિફ્ટી ઓલ ટાઈમ હાઈ પર રહ્યો હતો. જોકે, બાદમાં બંને સૂચકાંકોમાં થોડો ઘટાડો જોવા મળ્યો હતો. મંગળવારે સેન્સેક્સ 74,482.78 પોઈન્ટ પર બંધ થયો હતો. નિફ્ટી પણ 22,604.80 પોઈન્ટ પર બંધ રહ્યો હતો.
