ભાવનગર લોકસભા ની બેઠક માટે હવે મતદાન થવાના આડે હવે ગણતરી ના દિવસો બાકી છે. તેમ છતાં હજુ સુધી જિલ્લામાં ક્યાંય ચૂંટણી નો માહોલ નજરે ચડતો નથી. એક તરફ કાળઝાળ ગરમીના દિવસો છે. અને બીજી બાજુ ક્ષત્રિય આંદોલન ના કારણે તેમજ શહેરીજનો ના પ્રશ્નો અંગે કોઈ પણ રાજકીય પક્ષો માટે અવાજ ઉઠાવતો નથી અથવા તો ભાવનગરના વિકાસ માટે તેઓ નું શું વિઝન છે. તેની પણ કોઈ ચર્ચા થતી નથી. આથી મતદાર પણ નિરાશ થઇ ને બેઠો છે ત્યારૅ આગામી દિવસોમાં મતદાન ઉપ્પર તેની અસર કેવી થશે તેના ઉપ્પર સૌની નજર મંડાઈ છે.
ભાવનગર લોકસભાની બેઠક માટે આગામી તારીખે મતદાન થનારા છે. છતાં હજુ માહોલ જામ્યો નથી ભાવનગરમાં ભાજપ અને ઇન્ડિયા ગઠબંધન વચ્ચે સીધો મુકાબલો થનાર છે અને કોંગ્રેસ એ આ બેઠક આપ ને ફાળે આપી દીધી છે. ભાવનગર સહરાને જિલ્લાની કુલ વિધાનસભા બેઠકનો આ લોકસભા બેઠક માં સમાવેશ થાય છે. જિલ્લમાં કુલ 19 .16 લાખ મતદારો પોતાનો મતાધિકાર ધરાવે છે. ગત વર્ષ કરતા આવર્ષે મતદાન ઓછું થાય તેવી સંભાવના જાણકારો વ્યક્ત કરી રહ્યા છે. આ વખત ની ચૂંટણી માં કોઈપણ ઉમેદવર ભાવનગરવાસીઓને ભાવનગરનો વિકાસ કેમ કરશું તે અંગે કોઈ ગેરેન્ટી આપી શક્યા નથી. ભાવનગર લોકસભા બેઠક ભાજપ એમ મને છે કે આસાનીથી જીતી લઈશું તેના કારણે ફોર્મ ભરાયા બાદ હજુ સુધી રોડ ઉપ્પર કયાંય પ્રચાર કરતા જોવા મળ્યા નથી. આ બાજુ કોંગ્રેસનો સાથ જોઈએ તેટલો આપણા ઉમેદવારને મળતો નથી. તે પણ નજર સામે છે પહેલાના જમણામાં ચૂંટણી સમયે ગલીઓમાં ધજા પતાકા તેમજ ઠેર ઠેર કાર્યકરોના ટોળા જોવા મળતા હતા. જે આજે જોવા નથી મળતા.
મતદાનનાં દિવસે અસર થવાની શક્યતા
લોકસભાની ચૂંટણીમાં આવર્ષે જ્ઞાતિવાદ અને જાતિવાદના સમીકરણો વધુ જોવા મળે છે. રાષ્ટ્રીય અને સ્થાનિક નેતાઓ જીતવાની લ્હાયમાં બેફામ વાણી વિલાસ કરી રહ્યા છે. અને તેના કારણે સમાજ સમાજ વચ્ચે ઘર્ષણ થઇ રહ્યા છે. અને તેની અસર મતદાનના દિવસે થશે તેવી પણ ચિંતા વ્યક્ત કરવામાં આવી રહી છે. ભાવનગરના અનેક પ્રશ્નો છે તેના ઉપર કોઈ બોલતું નથી અને એક બીજાને નીચા દેખાડવા સિવાય કોઈ કામ થતા નથી. કોઈ રાજકીય પક્ષ ભાવનગર ના વિકાસ માટે બેરોજગારી કે શિક્ષણ કે આરોગ્ય ના પ્રશ્ને મૌન સેવી રહ્યા છે જેને જાણકારો દુઃખદ કહી રહ્યાં છે સ્થાનિકો નું કહેવું છે ભાવનગર ના કનેક્ટિવિટી ના પ્રશ્નો,રેલવે ના પ્રશ્નો,સહિતના પ્રશ્નો કોરાણે મૂકી જતા મતદારો નારાજ છે
2012 અને 2014 માં અપાયેલા અનેક વચનો હજુ કાગળ પર
ભાવનગરની વાત કરીએ તો અહીં 2012 અને 2014 માં અપાયેલા અનેક વચનો હજુ કાગળ ઉપ્પર રહ્યા છે. અહીં જેમ્સ એન્ડ જવેલરીની વાત હોઈ કે શિપ બિલ્ડીંગ યાર્ડની વાત હોઈ કે ઓવરબ્રિજની વાત હોઈ હજુ સુધી કોઈ વચનો પુરા થયા નથી. ખંભાતના અખાત ઉપ્પર પુલ બંધાવણો હોઈ કે કલ્પસર ની વાત હોઈ આ પ્રશ્નો આજે પણ અધ્ધરતાલ છે સ્થાનિક અનેક પ્રશ્નો છે હીરા ઉઅદ્યોગ ,પલાસ્ટીક ઉદ્યોગ જેવા કરોડ રજ્જૂ સમાન ઉદ્યોગો ના વિકાસ માટે કોઈ રાજકીય પક્ષો પ્રશ્ન ઉકેવાની દીશામાં કામ કરતા નથી તેમ લોકો કહી રહ્યાં છે.
વધુ વાંચોઃ બનાસકાંઠાના પશુપાલકોની સરકાર પાસે શું અપેક્ષા? જાણો મતદારોનો મિજાજ
હુંસાતુંસીના કારણે ભાવનગરના વિકાસ ને પ્રાધન્ય આપતા નથી
ભાવનગર માટે એવું કહેવાય છે કે ભાવનગર અન્ય મહાનગર કરતા પાછળ છે અહીં ના રાજકીય આગેવાનો એકબીજા ની હુંસાતુંસીના કારણે ભાવનગરના વિકાસ ને પ્રાધન્ય આપતા નથી. અને યોગ્ય સમયે અને યોગ્ય જગ્યા એ રજૂઆત પણ કરતા નથી બીજી બાજુ મતદારો ઉમેદવારો પાસે ક્યારેય હિસાબ માંગતા નથી .અને તેના કારણે નબળા નેતાઓ ચૂંટાઈ જાય છે અને માટે આપ્યા બાદ સ્થાનિકો બળાપો કાઢે છે ત્યારે આજે લોકશાહી દેશમાં મતદાર જ સૌથી મોટું હથિયાર છે તેવા સમયે મતદારો ની જવાબદારી પણ સહ વિશેષ છે તે પણ યાદ રાખવું પડશે
