સંજય લીલા ભણસાલીની ઓટીટી ડેબ્યુ સીરિઝ 'હીરામંડીઃ ધ ડાયમંડ બજાર' ઘણા દિવસોથી ચર્ચાઓમાં છે. આજે આ સિરીઝ નેટફ્લિક્સ પર રિલીઝ થશે. સંજય લીલા ભણસાલીએ આઝાદી પહેલાના દ્રશ્યો દર્શાવતી આ પૃષ્ઠભૂમિ પર બનેલી 'હીરામંડી'માં લાહોરના તવાયફના જીવનને બતાવવાનો પ્રયાસ કર્યો છે.
તવાયફોની વાત છે 'હીરામંડી: ધ ડાયમંડ બજાર'
'હીરામંડી'માં મનીષા કોઈરાલા, સોનાક્ષી સિંહા, રિચા ચઢ્ઢા જેવી અભિનેત્રીઓ જોવા મળશે. ફિલ્મની વાર્તા અંગ્રેજોના જમાનાની છે, જ્યાં એક વેશ્યાલયની મહિલાઓ સ્વતંત્રતાની લડાઈમાં અંગ્રેજો સામે લડી રહી છે. આ સીરિઝ નેટફ્લિક્સ પર રિલીઝ થઈ રહી છે. આવો તમને જણાવીએ કે તે કયા સમયે રિલીઝ થશે.
આ સમયે નેટફ્લિક્સ પર આવશે 'હીરામંડી'
1 મે, 2024ના રોજ Netflix પર રિલીઝ થનારી 'હીરામંડી: ધ ડાયમંડ બજાર' વિશે વિવિધ અટકળો ચાલી રહી છે. માહિતી અનુસાર, સંજય લીલા ભણસાલીની આ મલ્ટી-સ્ટારર સિરીઝ બપોરે 1:30 વાગ્યે રિલીઝ થશે. Netflix નો મોટાભાગનો કન્ટેન્ટ આ સમયે જ રિલીઝ કરવામાં આવે છે.
રિલીઝ પહેલા જ છવાઈ ગયા 'હીરામંડી'ના ગીતો
તાજેતરમાં જ 'હીરામંડી'નું ગીત 'આઝાદી' રિલીઝ થયું. આ ગીતમાં તવાયફોને હીરામંડીથી કાઢી નાખવાની કે એ જગ્યા છીનવાઈ જવાની પીડા દેખાય છે. આ પહેલા ગીત 'તિલસ્મી બાહેં' અને 'સકલ બન' રિલીઝ થયા હતા, જેને લોકોએ ખૂબ પસંદ કર્યા હતા.
વધુ વાંચો: આજે અનુષ્કા શર્માનો બર્થડે: 18 વર્ષની ઉંમરે આ રીતે આપ્યું હતું પહેલું ઓડિશન, સોશ્યલ મીડિયા પર Video વાયરલ
'હીરામંડી'માં જોવા મળશે આ સ્ટાર કાસ્ટ
મનીષા કોઈરાલા, સોનાક્ષી સિંહા અને રિચા ચઢ્ઢા ઉપરાંત આ સિરીઝમાં સંજીદા શેખ, અદિતિ રાવ હૈદરી અને શર્મિન સેહગલ છે. જયારે શેખર સુમન અને અધ્યયન સુમન પણ મહત્ત્વપૂર્ણ ભૂમિકા ભજવતા જોવા મળશે. શેખર સુમનનું પાત્ર 'ઝુલ્ફીકાર' અને અધ્યયન સુમન 'ઝોરાવર'નું પાત્ર ભજવી રહ્યો છે.
