ટેક ટિપ્સ / મોબાઈલ ફોનની બેટરી જલ્દી પુરી થઈ જાય તો અજમાવો આ ટ્રિક્સ, વારંવાર ચાર્જીંગ નહીં કરવું પડે

હાલમાં લગભગ દરેક વ્યક્તિ સ્માર્ટફોન વાપરે છે અને આપણને ફોન વિના જરાક પણ નથી ચાલતું. પણ ફોનને બેટરી વિના નથી ચાલતું. એક સમય પછી સ્માર્ટફોનની બેટરી ઝડપથી ખતમ થવા લાગે છે. ગેમ રમતી વખતે કે સોશિયલ મીડિયા વાપરતી વખતે ફોન વારંવાર ચાર્જ કરવો પડે છે. જેના કારણે ઘરની બહાર જાઓ અને ફોનની બેટરી ખતમ થઈ જાય પછી ફોન નકામો બની જાય છે. જો તમે પણ આવી સમસ્યાથી પરેશાન છો તો આ વાતોનું ધ્યાન રાખો. અહીં તમને જણાવીશું કે તમે કેવી રીતે તમારા ફોનની બેટરીને વધુ સમય સુધી ટકાવી શકો છો.

ઘણી વખત, તમારી કેટલીક ભૂલોને કારણે તમારા ફોનની બેટરી ઝડપથી ખતમ થઈ જાય છે. અહીં જાણો કઈ ભૂલોને કારણે ફોનની બેટરી ઓછી થઈ જાય છે. તમે આ બાબતોને નજરઅંદાજ કરો છો પરંતુ આ બાબતો પર ધ્યાન આપવું ખૂબ જ જરૂરી છે.

આ કારણોસર જલ્દી ખતમ થઈ જાય છે બેટરી

ઘણી વખત, તમારી કેટલીક ભૂલોને કારણે તમારા ફોનની બેટરી ઝડપથી ખતમ થઈ જાય છે. તમે આ બાબતોને નજરઅંદાજ કરો છો પરંતુ આ બાબતો પર ધ્યાન આપવું ખૂબ જ જરૂરી છે.

• જેમ જેમ તમારા ફોનની બેટરી જૂની થતી જાય છે તેમ તેમ તેની ક્ષમતા ઓછી થાય છે જેના કારણે તે ઓછા સમય સુધી ચાલે છે.
• જો તમે લાંબા સમય સુધી તમારા સ્માર્ટફોનનો ઉપયોગ કરો છો, તો તે બેટરી બેકઅપને અસર કરે છે. જેમાં સ્માર્ટફોન પર વીડિયો જોવા, ગેમ રમવી વગેરેનો સમાવેશ થાય છે. તેનાથી બેટરી ઝડપથી ખતમ થઈ જાય છે.
• આ સિવાય ફોનનું ખોટું બેટરી સેટિંગ્સ પણ બેટરી બેકઅપને અસર કરી શકે છે. જેમકે તમે તમારા ફોનની સ્ક્રીનની બ્રાઇટનેસ હંમેશા વધારે રાખો છો, તમારે બ્રાઇટનેસ મેનેજ કરવી જોઈએ.
• બેટરીની અંદર પણ ખામી હોઈ શકે છે. જો તમારો ફોન ઝડપથી ડિસ્ચાર્જ થઈ રહ્યો છે, તો તે બેટરીની સમસ્યાનો સંકેત પણ હોઈ શકે છે.

વધુ વાંચો: Insta પર કેવી રીતે બનાવશો બ્રોડકાસ્ટ ચેનલ? શું તમે જાણો છો! નહીં તો અપનાવો આ સરળ રસ્તો

આ રીતોથી બેટરી ચાલશે લાંબા સમય સુધી

• આ માટે સમય સમય પર બેટરી ચાર્જ કરો, સતત ઓછી બેટરી ચાર્જ કરવાથી બેટરી ખતમ થઈ શકે છે. 80 ટકાથી વધુ ચાર્જ કરશો નહીં અને તે 20 ટકાથી નીચે જાય તે પહેલાં ચાર્જ કરી લો. બેટરી સેટિંગ્સને એડજસ્ટ કરો ફોનની સ્ક્રીનની બ્રાઈટનેસ અને બેટરી સેટિંગ્સને ઠીક કરો.
• ફોનને ગરમ જગ્યાઓથી દૂર રાખો, ગરમીને કારણે ફોનની બેટરી ઝડપથી ખતમ થઈ જાય છે. તમારા ફોનને અપડેટ રાખો. પરંતુ ઓટો અપડેટને બદલે મેન્યુઅલી અપડેટ વિકલ્પને ઇનેબલ કરો.
• બિનજરૂરી એપ્સ બંધ કરો, બેકગ્રાઉન્ડ એપ્સ એક્ટિવ ફીચર બંધ કરો. હાઈ રિઝોલ્યુશનમાં વીડિયો જોવાથી બેટરી ઝડપથી ખતમ થઈ જાય છે.
• જો તમે ફોનનો ઉપયોગ કરતી વખતે આ બાબતોનું ધ્યાન રાખશો તો તમે તમારા iPhone અને Android બંને ફોનની બેટરી જાળવી શકશો.