હિંદૂ ધર્મમાં અખાત્રીજને ખૂબ જ ખાસ માનવામાં આવે છે. આ દિવસને બિલકુલ દીવાળી અને ધનતેરસની જેમ જ શુભ માનવામાં આવે છે. અખાત્રીજ શુભતાનું પ્રતીક છે. આજ કારણ છે કે આ દિવસે ધનની દેવી માતા લક્ષ્મી અને ભગવાન વિષ્ણુની વિધિ-વિધાનથી પૂજા કરવામાં આવે છે.
આ વર્ષે અખાત્રીજ 10 મે 2024એ ઉજવવામાં આવશે. એવું કહેવામાં આવે છે કે જે પણ અખાત્રીજની તિથિ પર માતા લક્ષ્મીની આરાધના કરે છે તેમને અક્ષય ફળોની પ્રાપ્તિ થાય છે અને તેમના ઘરે સુખ-સમૃદ્ધિનો વાસ થાય છે. અખાત્રીજ વૈશાખ મહિનાના શુક્લ પક્ષની ત્રીજ પર ઉજવવામાં આવે છે. આ દિવસે માંગલિક કાર્ય કરવા શુભ માનવામાં આવે છે અને લોકો અખાત્રીજ પર સોના-ચાંદીની ખરીદી પણ કરે છે.
અખાત્રીજ પર ખરીદો આ 5 વસ્તુઓ
અખાત્રીજના દિવસે મોટભાગે લોકો સોનું, ચાંદી, સંપત્તિ કે પછી ગાડી ખરીદે છે. માન્યતા છે કે તેનાથી માતા લક્ષ્મી ઘરમાં પ્રવેશ કરે છે અને ધનનો ભંડર ભરેલો રહે છે. જો તમે અખાત્રીજ પર સોનું કે ચાંદી ન ખરીદી શકો તો આજે અમે તમને જણાવીશું કે એવી કઈ પાંચ વસ્તુઓ છે જેને આ દિવસે ઘરે લાવવી શુભ માનવામાં આવે છે.
માટલુ
જો તમે અખાત્રીજના દિવસે સોનું કે ચાંદી ન ખરીદી શકો તો તમે આ ખાસ દિવસે માટીનો ઘડો ખરીદી શકો છો. માટીનો ઘટો ખરીદવો આ દિવસે શુભ માનવામાં આવે છે. તેનાથી ઘરમાં પૈસાની તંગી નથી રહેતી.
પીતળ કે તાંબાના વાસણ
અખાત્રીજ પર તમે ઘરે પીતળ કે તાંબાના વાસણ પણ લાવી શકો છો. આ દિવસે તાંબાના વાસણ ખરીદવા શુભ માનવામાં આવે છે. તેનાથી માતાજીની કૃપા તમારા પર બની રહે છે.
કોડી
અખાત્રીજ પર કોડી ખરીદવી પણ તમારા માટે ફળદાયી સાબિત થઈ શકે છે. માનવામાં આવે છે કે કોડી ખરીદીને માતા લક્ષ્મીને અર્પિત કરવાથી ઘરમાં સુખ-સમૃદ્ધિનું આગમન થાય છે.
પીળા સરસવ
અખાત્રીજ પર ખાસ પીળા સરસવ (Yellow Mustard) ઘરે લાવવા પણ ખૂબ જ શુભ મનાવામાં આવે છે. તેનાથી માતાજી પ્રસન્ન થાય છે.
વધુ વાંચો: માત્ર હાડકાં જ નહીં! કેલ્શિયમની ઉણપથી પણ થઇ શકે છે ગંભીર બીમારીઓ, ઓળખી લેજો આ 6 લક્ષણો
જવ
અખાત્રીજ પર સોનું ખરીદી ન શકો તો જવ ખરીદીને પણ પુણ્ય હાસિલ કરી શકો છો. આ અન્નને ધરતી માતાએ આપેલું સૌથી પહેલું અન્ન માનવામાં આવે છે.
