Salman Khan : બૉલીવુડ અભિનેતા સલમાન ખાનને લઈ વધુ એક અપડેટ સામે આવી છે. વાત જાણે એમ છે કે, 14 એપ્રિલે બોલિવૂડ એક્ટર સલમાન ખાનના ગેલેક્સી એપાર્ટમેન્ટની બહાર બે બાઇક સવારોએ અનેક રાઉન્ડ ફાયરિંગ કર્યું ત્યારથી ભાઈજાન સતત સમાચારોમાં છે. આ ઘટના બાદ સલમાનની સુરક્ષા વધારી દેવામાં આવી હતી. સલમાન ખાન તેના ઘરે ફાયરિંગના થોડા અઠવાડિયા બાદ લંડન પહોંચી ગયો છે.
ફાયરિંગની ઘટના બાદ સલમાન ખાન લંડન પહોંચ્યો
તાજેતરમાં,સલમાન ખાન બ્રેન્ટ નોર્થ મતવિસ્તારના યુકે સાંસદ બેરી ગાર્ડિનરને મળ્યો હતો. જેની તસવીરો સોશિયલ મીડિયા પર વાયરલ થઈ રહી છે. બેરી ગાર્ડિનરે X પર વેમ્બલી સ્ટેડિયમમાં સલમાન સાથે લીધેલી તસવીરો શેર કરી હતી. તસવીરોમાં જોવા મળે છે કે, સલમાન અને બેરી ગાર્ડિનર વેમ્બલી સ્ટેડિયમની અંદર ઉભા રહીને વાત કરી રહ્યા છે અને ત્યાર બાદ તેઓ કેમેરા માટે પોઝ આપી રહ્યા છે. આ દરમિયાન સલમાન બ્લેક ટી-શર્ટ, જેકેટ અને જીન્સ પહેરેલો જોવા મળ્યો હતો.
સોશિયલ મીડિયા પર તસવીરો શેર કરતી વખતે બેરી ગાર્ડિનરે લખ્યું "ટાઇગર ઝિંદા હૈ ઔર લન્ડન મેં હૈ. આજે વેમ્બલીમાં સલમાન ખાનનું સ્વાગત કરતાં આનંદ થાય છે. તમને જણાવી દઈએ કે, ગેલેક્સી એપાર્ટમેન્ટની બહાર ફાયરિંગ બાદથી સલમાન મુંબઈમાં પણ જાહેરમાં જોવા મળી રહ્યો છે. ગયા અઠવાડિયે સંજય લીલા ભણસાલીની 'હીરામંડીઃ ધ ડાયમંડ બઝાર'ના પ્રીમિયર માટે સલમાન Y+ સુરક્ષા સાથે પહોંચ્યો હતો.
વધુ વાંચો : આજે અનુષ્કા શર્માનો બર્થડે: 18 વર્ષની ઉંમરે આ રીતે આપ્યું હતું પહેલું ઓડિશન, સોશ્યલ મીડિયા પર Video વાયરલ
ગેલેક્સી એપાર્ટમેન્ટની બહાર થયું હતું ફાયરિંગ
નોંધનિય છે કે, 14 એપ્રિલે મુંબઈમાં સલમાનના ગેલેક્સી એપાર્ટમેન્ટની બહાર ફાયરિંગ થયું હતું. ઘટના સમયે સલમાન ખાન તેના ઘરે હાજર હતો. બાઇક પર સવાર બંને આરોપીઓએ અનેક રાઉન્ડ ફાયરિંગ કર્યું હતું. આ ઘટના બાદ સલમાન ખાનની સુરક્ષા વધારી દેવામાં આવી છે. તમને જણાવી દઈએ કે, આ પહેલા પણ લોરેન્સ બિશ્નોઈએ સલમાનને ઘણી વખત ધમકી આપી હતી.
