હાલમાં વિશ્વમાં માત્ર થોડા જ દેશો છે જે વિકાસના એન્જિન પર સવાર છે અને ભારત તેમાં આગળ હોય એવું લાગી રહ્યું છે. ભારત વિશ્વની પાંચમી સૌથી મોટી અર્થવ્યવસ્થા છે અને કહેવાય રહ્યું છે કે તે જાપાનને પાછળ છોડીને માત્ર થોડા મહિનામાં ચોથા સ્થાને આવી જશે.
વિશ્વની ચોથી સૌથી મોટી અર્થવ્યવસ્થા
કોરોના મહામારી બાદ યુદ્ધના આ માહોલથી ભારત ઘણું જલ્દી ઊભરી આવ્યું હતું અને આ વાતનો ફાયદો એ થશે કે ટૂંક સમયમાં તે વિશ્વની ચોથી સૌથી મોટી અર્થવ્યવસ્થા બનવા જઈ રહ્યું છે. મંગળવારે IMFએ તેના રિપોર્ટમાં અનુમાન લગાવ્યું છે કે નાણાકીય વર્ષ 2025માં ભારતીય અર્થવ્યવસ્થા લગભગ 6.8 ટકાની ઝડપે વૃદ્ધિ પામશે અને આ આંકડા ભારતીય અર્થવ્યવસ્થાને આગળ લઈ જશે.
વર્ષ 2025માં જાપાનને પછાડી ચોથા નંબર પર આવી જશે
ઈન્ટરનેશનલ મોનેટરી ફંડનના એ રિપોર્ટમાં એમ પણ કહેવામાં આવ્યું છે કે ભારત વર્ષ 2025માં જાપાનને પછાડી ચોથા નંબર પર આવી જશે. જો કે, IMFના આ પહેલામાં રિપોર્ટમાં કહેવામાં આવ્યું હતું કે ભારતને ચોથી સૌથી મોટી અર્થવ્યવસ્થા બનવામાં બે વર્ષ લાગશે. એટલે કે 2026 સુધી ભારત જાપાનને પછાળીને ચોથી અર્થવ્યવસ્થા બની જશે.
ક્યારે બનશે વિશ્વની ત્રીજી સૌથી મોટી અર્થવ્યવસ્થા?
એ તો જાણીતું જ છે કે વડાપ્રધાન નરેન્દ્ર મોદીનું સપનું છે કે ભારત 5 ટ્રિલિયન ડોલરની જીડીપી સાથે વિશ્વની ત્રીજી સૌથી મોટી અર્થવ્યવસ્થા બને. એવામાં જો 2025 સુધી ભારત જાપાનને પછાળીને દુનિયાની ચોથી સૌથી મોટી અર્થવ્યવસ્થા બની જાય છે તો આ દિશામાં મોટી સફળતા મળશે. IMF અનુસાર 2025 સુધીમાં જાપાનનો GDP 4.3103 ટ્રિલિયન ડોલરથી સુધી પહોંચી જશે.
રિપોર્ટ અનુસાર ભારતની અર્થવ્યવસ્થા 2025 સુધીમાં $4.3 ટ્રિલિયનને વટાવી જશે. સાથે જ 2027માં ભારત જર્મનીથી આગળ નીકળીને ત્રીજી સૌથી મોટી અર્થવ્યવસ્થા બની શકે છે.
