- ફ્લેટમાં રહેતા લોકો સાવધાન
- બાળકોને બાલ્કનીમાં રમાડતા પહેલા ધ્યાન રાખજો
- થઈ શકે છે આવી દુર્ઘટના
નોઈડાના સેક્ટર 74 સ્થિત એક સોસાયટીમાં 16માં માળેથી 11 વર્ષિય વિદ્યાર્થિની સંદિગ્ધ પરિસ્થિતીમાં નીચે પડી ગઈ હતી. આ દુર્ઘટનામાં તેનું મોત થઈ ગયું છે. ઘટનાની જાણ મળતા પોલીસ ત્યાં પહોંચી અને તપાસ હાથ ધરી હતી. નીચે પડવાને લઈને તપાસ ચાલી રહી છે. પોલીસ તપાસમાં લાગી ગઈ છે. આ બાળકી ખૂબ જ મિલનસાર હોવાનું પણ સામે આવ્યું છે.
6ઠ્ઠા ધોરણમાં ભણતી બાળકી નીચે પડી
સેક્ટર 113 પોલીસ પ્રભારીએ જણાવ્યું હતું કે, રવિ શર્મા પરિવાર સાથે અજનારા ગ્રેંડ સોસાયટીમાં 16માં માળે રહે છે. તેમની 11 વર્ષિય દિકરી સ્નેહા ક્લાસ 6માં અભ્યાસ કરતી હતી. તે શુક્રવારે સાંજે ફ્લેટ બહાર બાલ્કનીમાં બાલ્કેટબોલ રમતી હતી. આ દરમિયાન તે સંદિગ્ધ પરિસ્થિતીઓમાં 16માં માળેથી નીચે પડી ગઈ હતી. સુરક્ષાકર્મીઓ બાળકીને પડતા જોઈ ગયા. ત્યાર બાદ તુરંત પરિવારજનોને જાણ કરી.
પરિવાર હોસ્પિટલમાં લઈ ગયો
પરિવારના લોકો બાળકીને લઈને હોસ્પિટલમાં પહોંચ્યા હતા. જ્યાં ડોક્ટર્સે તેને મૃત જાહેર કરી હતી. પોલીસ પ્રભારીએ જણાવ્યું હતું કે, આ ઘટના બાદ પોલીસે શબનું પોસ્ટમોર્ટમ કરાવીને પરિવારને સોંપી દીધી હતી. તેની સાથે જ પોલીસ બાળકી કેવી રીતે પડી તેના વિશે તપાસમાં લાગી ગઈ છે. આ ઘટના બાદ પરિવારમાં આઘાતમાં છે.
બાલ્કનીમાં ગ્રિલ નાની હતી
પોલીસનું કહેવુ છે કે, બાસ્કેટબોલ રમતી વખતે બાળકી નીચે પડી હોવાની શંકા છે. જો કે, હજૂ પાક્કી ખાતરી નથી, આ સિવાય અન્ય બાબતો પર પણ વિચાર થઈ રહ્યો છે. એપાર્ટમેન્ટના ઓનર એસોસિએશનનો આરોપ છે કે, સોસાયટીના ફ્લેટની બાલ્કનીમાં લાગેલી ગ્રિલની ઉંચાઈ નાની હોવાથી આ દુર્ઘટના ઘટી છે. માનવામાં આવી રહ્યું છે કે, ગ્રિલ હોવાની સ્થિતીમાં બાળકીનો જીવ ન બચાવી શક્યા.
