- સોમનાથ મંદિર ટ્રસ્ટની તથા સરકારી જમીન ઉપરથી દબાણ દૂર કરાયું
- પોલીસકાફલા સાથે વહીવટી તંત્ર દ્વારા મેગા ડિમોલિશન હાથ ધરાયું
- ગેરકાયેદે દબા 21 પાકાં મકાનો, 153 જેટલાં ઝૂંપડા દૂર કરાયા
યાત્રાધામ સોમનાથમાં વહીવટી તંત્ર દ્વારા મેગા ડિમોલિશનની કામગીરી હાથ ધરવામાં આવી હતી. વિગતો મુજબ સોમનાથ મંદિર ટ્રસ્ટની તથા સરકારી જમીન ઉપર વર્ષોથી દબાણ કરવામાં આવેલું હતું. જે વહીવટી તંત્ર દ્વારા પોલીસના ચુસ્ત બંદોબસ્ત વચ્ચે દૂર કરવામાં આવ્યું હતું. કાચાં-પાકાં ગેરકાયદે દબાણો દૂર કરવા માટે આજે વહેલી સવારથી જ પોલીસકાફલા સાથે વહીવટી તંત્ર દ્વારા મેગા ડિમોલિશન હાથ ધરવામાં આવ્યું હતું.
3 હેક્ટર જમીનમાં બુલડોઝર ફેરવાયું
આ દબાણ દૂર કરવાની પ્રક્રિયામાં 21 પાકાં મકાનો, 153 જેટલાં ઝૂંપડા દૂર કરવામાં આવ્યા છે. એટલે કે, લગભગ 3 હેક્ટર જેટલી જમીનમાં ગેરકાયદે રીતે કરાયેલું બાંધકામ તોડી પાડવામાં આવ્યું છે. પ્રાંત અધિકારી,નાયબ મામલતદાર, રેવન્યુ તલાટી સહિત 30 વધુ અધિકારીઓની હાજરીમાં આ કામગીરી હાથ ધરવામાં આવી હતી. આ ડિમોલિશનની કામગીરી સોમનાથ મંદિરના પાછળના ભાગે અને મરીન પોલીસની આસપાસના વિસ્તારમાં આવેલી જમીન સર્વ નંબર 1852માં હાથ ધરાઈ હતી.
વાંચવા જેવું: કેનેડાના વિઝા આપવાના બહાને કલોલના યુવકને 24 લાખમાં રોવડાવ્યો, અમદાવાદની કૃપા ઓવરસીઝના માલિક વિરૂદ્ધ ફરિયાદ
ચુસ્ત પોલીસ બંદોબસ્ત
સૂત્રો પાપ્ત વિગતો મુજબ હજુ પણ આગામી દિવસોમાં સરકારી જમીન ઉપરનાં દબાણો દૂર કરવાની કામગીરી હાથ ધરાશે. દબાણ હટાવવાની કામગીરીમાં કાયદો અને વ્યવસ્થા જળવાઈ રહે તેના માટે જિલ્લા પોલીસ અધિકારી દ્વારા ચુસ્ત પોલીસ બંદોબસ્ત ગોઠવવામાં આવ્યો હતો. જે સ્થળ પર 500 જેટલા પોલીસ અને જીઆરડી જવાન, 2 Dysp, 7 PI, 20 PSI સહિત LCB, SOG સહિતની ટીમ બંદોબસ્તમાં તહેનાત થઈ હતી. અગાઉ બેટ દ્વારકામાં પણ ડિમોલિશનની કામગીરી હાથ ધરાઈ હતી
