નવી પહેલ / 2047 સુધી ગીરનું સિંહક્ષેત્ર 50 હજાર ચોરસ કિમી સુધી વિસ્તરશે

ગુજરાતમાં એશિયાટિક સિંહોનો વસવાટ વિસ્તાર આગામી બે દાયકામાં નોંધપાત્ર રીતે વધી શકે છે. નિષ્ણાતોના અંદાજ મુજબ વર્ષ 20247 સુધીમાં સિંહોનો વિસ્તાર આશરે 50 હજાર ચો.કિમી સુધી પહોંચી શકે છે. હાલ સિંહો આશરે 35 હજાર ચો.કિમી વિસ્તારમાં ફેલાયેલા છે. વધતા વિસ્તારને કારણે સિંહો અને માનવ વસાહતો વચ્ચે સંઘર્ષનું જોખમ પણ વધી શકે છે.

સિંહોનાં સંરક્ષણ માટે બીજું સુરક્ષિત ઘર શોધવું પડશે

નિષ્ણાતોએ સિંહોનાં સંરક્ષણ માટે બીજું સુરક્ષિત ઘર ઊભું કરવાની જરૂરિયાત પર ભાર મૂક્યો છે. 2025ની ગણતરી મુજબ ગુજરાતમાં સિંહોની સંખ્યા વધી 891 થઈ છે, જ્યારે 2015માં આ સંખ્યા 523 હતી. જોકે, વધતી વસતિને ધ્યાનમાં રાખીને સિંહોના નવા વિસ્તારોમાં સુરક્ષા અને સ્થાનિક લોકોની ભાગીદારી વધુ મહત્ત્વની બનશે.

વધુ વાંચો : 'મેડમ બોલાવે એટલે તરત આવી જવાનું' સુરત સિવિલ રેગિંગ ગેંગની લીડર નીકળી ડો.દીક્ષિતા ઘેવરિયા

નવા સુરક્ષિત વિસ્તારો વિકસાવવાની જરૂરિયાત

સિંહોના વસવાટ વિસ્તારના વિસ્તરણ સાથે માનવ-સિંહ સંઘર્ષની શક્યતા પણ વધી શકે છે. નિષ્ણાતોના મતે નવા વિસ્તારોમાં સિંહોની સુરક્ષા સાથે સ્થાનિક લોકોનાં હિતોનું પણ ધ્યાન રાખવું જરૂરી બનશે. સિંહોની સંખ્યા સતત વધી રહી હોવાથી માત્ર હાલના ગીર વિસ્તાર પર આધાર રાખવાને બદલે નવા સુરક્ષિત વિસ્તારો વિકસાવવાની જરૂરિયાત પણ વધી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ