શૈક્ષણિક / મણિનગરમાં સ્કૂલના નામે ખેલ! 20 વિદ્યાર્થીઓ પાસેથી ₹18 હજાર ફી, ભણાવ્યા ગ્રાન્ટેડ સ્કૂલમાં"

અમદાવાદના મણિનગરમાં ગ્રાન્ટેડ શાળાની આડમાં રૂપિયા કમાવવાનો ખેલ સામે આવ્યો છે. એલ.જે. ટ્રસ્ટના બની બેઠેલા ટ્રસ્ટી હિમાંશુ પરીખે શુભારતી સ્કૂલના નામે મંજૂરી વિના જ ધોરણ 10ના એડમિશન લીધા હતા. તેણે ફીની પહોંચ શુભારતી સ્કૂલની આપી અને ભણવા P.B.D. જોશી સ્કૂલમાં બેસાડ્યાં હતા.

ક્યારે ભાંડો ફૂટ્યો

ભાંડો તો ત્યારે ફૂટ્યો કે જ્યારે વિદ્યાર્થીઓને માર્કશીટ અને સર્ટિફિકેટ P.B.D. જોશી સ્કૂલનું આપવામાં આવ્યું હતું ત્યારે હોબાળો મચ્યો હતો.

હિમાંશુ પરીખે કર્યો લુલો બચાવ?

જ્યારે વાલીઓએ સવાલ કર્યો ત્યારે હિમાંશુ પરીખે એવું કહ્યું કે શુભારતી સ્કૂલને તો મંજૂરી મળી જ નથી. એટલું જ નહીં પરંતુ પાપ છૂપાવવા માટે હિમાંશુ પરીખે વાલીઓને ફી પાછી આપી દીધી હતી.

વધુ વાંચો : 'મેડમ બોલાવે એટલે તરત આવી જવાનું' સુરત સિવિલ રેગિંગ ગેંગની લીડર નીકળી ડો.દીક્ષિતા ઘેવરિયા

ટ્રસ્ટીનો શું દાવો?

એલ.જે.ટ્રસ્ટના ટ્રસ્ટી વિંદેશ શાહે એવો દાવો કર્યો કે હિમાંશુ પરીખે ખોટી રીતે વિદ્યાર્થીઓને એડમિશન આપ્યાં હતા. તેમણે DEOથી માંડી શિક્ષણ મંત્રી સુધી રજૂઆત કરી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ