નિમણુક / મૂળ ભારતીય સમલૈંગિક રાઘવનની જો બાયડને મહત્વના પદે કરી નિમણૂક, જાણો આ પદના પાવર્સ

USAની અગામી બાયડન સરકારના સ્ટાફમાં ઘણા ભારતીયોને સ્થાન મળ્યું છે. આ ભારતીયોમાં સૌથી વધુ ચર્ચિત બાયડનની આગામી સરકારના ઓફિસ ઓફ પ્રેસિડેન્શ્યલ પર્સનલ એટલે કે નિમણુક કમિટીના ડેપ્યુટી ડાયરેક્ટર ગૌતમ રાઘવન છે. આ ખાતાનું મુખ્ય કામ રાષ્ટ્રપતિન વતી અલગ અલગ ઓફિસમાં અલગ અલગ 4000 જગ્યાઓએ જે તે વ્યક્તિઓની નિમણુક કરવાનું હોય છે. 

ગૌતમ રાઘવન પોતે LGBTQ કોમ્યુનિટીના સભ્ય છે

નોંધનીય છે કે ગૌતમ રાઘવન પોતે LGBTQ કોમ્યુનિટીના સભ્ય છે. તેઓ સમલૈંગિક છે અને તેઓ તેમના પતિ એન્ડી સાથે અમેરિકાની રાજધાની વોશિંગ્ટન DCમાં રહે છે. તેમને એક પુત્રી પણ છે.

 આ અગત્યના પદો ઉપર ફરજ બજાવી ચુક્યા છે

ઉલ્લેખનીય છે કે આ પહેલા રાઘવન અમેરિકી સાંસદ પ્રમિલા જયપાલના સ્ટાફના ચીફ તરીકે ફરજ બજાવતા હતા. આ પહેલા ઓબામાં સરકારમાં તેઓ લાયેઝનિંગ કમિટીમાં એસોસિએટ ડાયરેક્ટર ફરજ બજાવતા હતા. તેઓ આ ગાળામાં LGBTQ કોમ્યુનિટી, એશિયન અમેરિકન, પેસિફિક ટાપુના મૂળના લોકોની કોમ્યુનિટીનું લાયેઝનિંગ કરતા હતા. 

ગૌતમ રાઘવનનો જન્મ ભારતમાં થયો છે અને તેઓ સિએટલમાં ઉછર્યા છે. તેઓ પ્રતિષ્ઠિત સ્ટેનફર્ડ કોલેજમાંથી ગ્રેજ્યુએટ થયા છે. તેઓ બાયડન ફાઉન્ડેશનના કન્સલ્ટન્ટ તરીકે કામ કરી ચુક્યા છે.