CJP Protest / અભિજીત દિપકેનું મોટું એલાન, 'જંતર-મંતર નહીં છોડીએ'; આજે ફરી સંસદ તરફ કૂચ કરશે CJP કાર્યકરો

CJP Protest Live Updates: કોકરોચ જનતા પાર્ટી (CJP) ના સ્થાપક અભિજીત દિપકેએ જણાવ્યું હતું કે સંસદ તરફ કૂચ મંગળવારે પણ ચાલુ રહેશે. સંસદના ચોમાસુ સત્રના પહેલા દિવસે દિલ્હીમાં તણાવ જોવા મળ્યો હતો. કોકરોચ જનતા પાર્ટીએ સોમવારે નીટ પેપર લીક મુદ્દા પર "સાંસદ ચલો" કૂચનું આયોજન કર્યું હતું. પોલીસ અને અર્ધલશ્કરી દળોએ પ્રદર્શનકારીઓને વિખેરવા માટે ટીયર ગેસના શેલ છોડ્યા અને હળવો બળપ્રયોગ કર્યો હતો.

દિલ્હીમાં જંતર મંતરથી સંસદ તરફ કૂચ તાજેતરના વર્ષોમાં દિલ્હીમાં થયેલી સૌથી હિંસક ટકરાવમાંની એકમાં ફેરવાઈ ગઈ. દિલ્હી પોલીસના જણાવ્યા અનુસાર સ્પેશિયલ કમિશનર ઓફ પોલીસ જેવા વરિષ્ઠ અધિકારીઓ સહિત 118 થી વધુ પોલીસ કર્મચારીઓ ઘાયલ થયા હતા. દરમિયાન કોકરોચ જનતા પાર્ટીના સ્થાપક અભિજીત દિપકેએ સોમવારે મોડી રાત્રે જણાવ્યું હતું કે સંસદ તરફ કૂચ મંગળવારે પણ ચાલુ રહેશે. દીપકે મીડિયાને જણાવ્યું હતું કે વિરોધ મંગળવારે પણ ચાલુ રહેશે.

કોંગ્રેસના સાંસદ મણિકમ ટાગોરે જંતર મંતર પર વિદ્યાર્થીઓના વિરોધ દરમિયાન પોલીસ કાર્યવાહી અંગે લોકસભામાં મુલતવી પ્રસ્તાવની નોટિસ આપી છે. તેમણે ગૃહમાં આ મુદ્દા પર તાત્કાલિક ચર્ચા અને સરકાર પાસેથી જવાબ માંગ્યો છે.

આ પણ વાંચોઃ National / સિક્કિમ ટનલમાં ભયંકર દુર્ઘટના, ભૂસ્ખલન બાદ 6થી વધુ મજૂરોના મોત, રેસ્ક્યૂ હજુ પણ ચાલુ

સીજેપીના વિરોધ પ્રદર્શન દરમિયાન થયેલી હિંસાના સંદર્ભમાં કાર્યવાહી કરતા દિલ્હી પોલીસે કનોટ પ્લેસ પોલીસ સ્ટેશનમાં પ્રથમ એફઆઈઆર નોંધી છે. કનોટ પ્લેસમાં વાહનોમાં ભારે બબાલ અને તોડફોડ કરવા બદલ અજાણ્યા વ્યક્તિઓ સામે આ કેસ નોંધવામાં આવ્યો છે. સોમવારે કનોટ પ્લેસના બાહ્ય વર્તુળ પર રીગલ સિનેમા નજીક ઉપદ્રવીઓએ પોલીસ વાહનોમાં તોડફોડ કરી હતી અને પોલીસ ટીમ પર પથ્થરમારો કર્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ