Gadar 2 Box Office Collection: ગદર 2ને ચોથા દિવસે લગભગ 10 કરોડની ગ્રોસ એડવાન્સ બુકિંગ મળી છે. ચોથા દિવસે એટલે કે સોમવારે ફિલ્મે કમાણીના મામલામાં ઘણા રેકોર્ડ્સ તોડી નાખ્યા હતા.
Share
બોક્સ ઓફિસ પર ગદર-2નું શાનદાર પ્રદર્શન
ફિલ્મે કમાણીના ઘણા રેકોર્ડ્સ તોડ્યા
200 કરોડને પાર જશે આંકડો
સની દેઓલની ગદર 2 બોક્સ ઓફિસ પર ધૂમ મચાવી રહી છે. 22 વર્ષ પહેલા આવેલા ગદરની જેમ જ આ વખતે પણ લોકો ગદર-2 પર ખૂબ પ્રેમ વરસાવી રહ્યા છે. છેલ્લા થોડા દિવસોથી સની દેઓલ અને અમીષા પટેલ ફિલ્મનું ખૂબ પ્રમોશન કરી રહ્યા હતા. એવામાં કહી શકાય કે તેમની મહેનત સફળ થઈ છે.
સની દેઓલની ફિલ્મ ગદર 2એ ઓપનિંગ ડે પર જ 40 કરોડનું કલેક્શન કરી બધાને ચોંકાવી દીધા. જ્યારે બીજા દિવસે આ આંકડો 43 કરોડની આસપાસ રહ્યો. ત્યાં જ ત્રીજા દિવસ એટલે કે સંડેએ ફિલ્મે કલેક્શનના મામલામાં 50 કરોડનો મોટો આંકડો પાર પણ કરી નાખ્યો છે.
ત્રીજા દિવસે પણ બોક્સ ઓફિસ પર ફિલ્મે કર્યો કમાલ
સની અને અમીષાની ફિલ્મ ગદર 2એ ફક્ત ત્રણ દિવસમાં જ બોક્સ ઓફિસ પર 133.18 કરોડ રૂપિયાનો આંકડો પાર કરી લીધો છે. ત્રણ દિવસ બાદ હવે લોકોની નજર સોમવારના કલેક્શન પર છે. વીકડે હોવાના કારણે ફિલ્મની કમાણી પર થોડી અસર જરૂર પડી શકે છે. પરંતુ સંભાવના છે કે આ દિવસોમાં પણ ફિલ્મ તાબડતોબ કમાણી કરી શકે છે.
આશા રાખવામાં આવી રહી છે કે ફિલ્મ ગદર 2 ચોથા દિવસે 34 કરોડનું નેટ બોક્સ ઓફિસ કલેક્શન કરી શકે છે. ગદર 2ને ચોથા દિવસે લગભગ 10 કરોડની ગ્રોસ એડવાન્સ બુકિંગ મળી છે. સની દેઓલ અને અમીષા પટેલ સ્ટારર ગદર 2 વર્ષ 2001ની બોલ્કબસ્ટર ગદર એક પ્રેમ કથાની સીક્વલ છે. ગદર 2 એક પીરિયડ એક્શન ડ્રામા ફિલ્મ છે. જેનું ડાયરેક્શન અને નિર્માણ અનિલ શર્માએ કર્યું છે.
