સતર્ક / ગાંધીનગરમાં કોંગો ફીવરનો પ્રથમ કેસ, પીંડાર ગામમાં ફફડાટ

ગાંધીનગર જિલ્લામાં કોંગો ફીવરનો પ્રથમ કેસ નોંધાતા આરોગ્ય તંત્રમાં ચકચાર મચી ગઈ છે. ગાંધીનગરના પીંડાર ગામમાં એક વ્યક્તિ કોંગો ફીવર પોઝિટિવ હોવાનું સામે આવ્યું છે. દર્દીમાં લક્ષણો જણાતાં તાત્કાલિક સારવાર માટે અમદાવાદની ખાનગી હોસ્પિટલમાં દાખલ કરવામાં આવ્યો છે, જ્યાં તેની હાલત પર તબીબોની ટીમ સતત નજર રાખી રહી છે.

કેસ સામે આવતા જ આરોગ્ય વિભાગે ઝડપી કાર્યવાહી હાથ ધરી છે. પીંડાર ગામમાં બે આરોગ્ય ટીમોને તૈનાત કરવામાં આવી છે, જે ગામમાં સર્વેલન્સની કામગીરી કરી રહી છે. દર્દીના સંપર્કમાં આવેલા લોકોની તપાસ કરવામાં આવી રહી છે તેમજ જરૂરી માર્ગદર્શન પણ આપવામાં આવી રહ્યું છે.

આ સાથે પશુપાલન વિભાગને પણ સતર્ક કરવામાં આવ્યો છે. ગોઠવણ અને ટિક નિયંત્રણ માટે દવાના છંટકાવની કામગીરી શરૂ કરવામાં આવી છે. ગામમાં સ્વચ્છતા જાળવવા અને રોગચાળો ન ફેલાય તે માટે ખાસ તકેદારી રાખવામાં આવી રહી છે.

આ પણ વાંચોઃ નવનીત બાલધીયા મારપીટ કેસમાં SITની મોટી કાર્યવાહી, 8 આરોપીઓના વધુ રિમાન્ડની માંગ

આરોગ્ય વિભાગે લોકોને અફવા ન ફેલાવવા અને કોઈ પણ શંકાસ્પદ લક્ષણ જણાય તો તરત નજીકના આરોગ્ય કેન્દ્રનો સંપર્ક કરવા અપીલ કરી છે. જિલ્લા તંત્ર દ્વારા સ્થિતિ પર સતત નજર રાખવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ