ભાવનગર / નવનીત બાલધીયા મારપીટ કેસમાં SITની મોટી કાર્યવાહી, 8 આરોપીઓના વધુ રિમાન્ડની માંગ

બગદાણાના સેવક નવનીત બાલધીયાને માર મારવાના કેસમાં એસઆઈટી દ્વારા આરોપીઓના વધુ રિમાન્ડની માંગણી કરવામાં આવી છે. મહુવા કોર્ટે સામે એસઆઈટીની ટીમે 8 આરોપીઓના વધુ રિમાન્ડની માંગણી કરી હતી. કોર્ટમાં ફિક્સ ફોર હિયરીંગ થતા આવતીકાલે એસઆઈટી ને ફરી બોલાવી હિયરીગ કરાશે. નવનીત બાલધીયા કેસમાં વધુ એક કલમનો ઉમેરો કરાયો છે. જૂની આઈપીસી કલમ 120 નો ઉમેરો કરવામાં આવ્યો છે.

બગદાણાના નવનીત બાલધીયા પર હુમલા કેસમાં ખુલાસો

ભાવનગરના બગદાણાના નવનીત બાલધીયા પર હુમલા કેસમાં ખુલાસો થવા પામ્યો છે. નવનીત બાલધીયાએ વીડિયો વાયરલ કરી ખુલાસો કર્યો હતો. કોઈપણ સમાજ કે આહિર સમાજની કોઈએ ટીકા ટીપ્પણી ન કરવા અપીલ કરી હતી. મારે કોઈ સમાજ સાથે વાંધો નથી ફક્ત જયરાજ આહિર સાથે જ વાંધો છે. સમાજના કોઈપણ લોકોએ કોઈ સમાજની લાગણી દુભાય તેવા વીડિયો ન બનાવવા તેમજ મારા નામથી કોઈપણ સમાજની લાગણી દુભાય તેવા વીડિયો ન બનાવવા અપીલ કરી છે. નવનીત બાલધીયાએ સમાજને અપીલ કરતો વીડિયો બનાવી વાયરલ કર્યો હતો.

આ પણ વાંચોઃ રાજપીપળામાં 40 વાઘના ચામડા, 133 નખ મળતાં ચકચાર, મંદિરના જૂના મકાનમાં ઠૂંસી-ઠૂંસીને રખાયાતા

નવનીતભાઈ બાલધીયાને મહુવા હોસ્પિટલથી અપાઈ રજા

ભાવનગરના બગદાણાના નવનિતભાઈ બાલધીયાને માર મારવાના કેસમાં નવનીતભાઈ બાલધીયાને મહુવા હોસ્પિટલથી રજા અપાઈ છે 29 ડિસેમ્બરે બગદાણામાં નવનીત બાલધીયા પર હુમલો થયો હતો. હુમલામાં નવનીતભાઈને ગંભીર ઈજાઓ પહોંચી હતી. સારવાર માટે મહુવા હનુમંત હોસ્પિટલમાં દાખલ કર્યા હતા. 11 દિવસ સુધી મહુવા હોસ્પિટલમાં દાખલ કર્યા હતા. મહુવા હનુમંત હોસ્પિટલના ડોક્ટરો, નર્સિંગ સ્ટાફનો નવનીતભાઈએ આભાર માન્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ