વાયરલ / અલ્યા એ! બેંગકૉકની ફ્લાઇટમાં ST બસ જેવા હાલ: બબાલ જોઈ એરહૉસ્ટેસના શ્વાસ થઈ ગયા અદ્ધર, જુઓ વીડિયો

• પ્લેનમાં બે યાત્રીઓ વચ્ચે થયો ઝઘડો
• સોશિયલ મીડિયા પર વાયરલ થયો વિડીયો 

આપણે દરેક લોકોએ ઘણીવાર બસ અને ટ્રેનમાં સીટને લઈને મુસાફરો વચ્ચે ઝઘડા થતાં જોયા હશે પણ હાલ એક અલગ જ કિસ્સો સામે આવ્યો છે. જમીનથી હજારો મીટરની ઉંચાઈ પર પણ સીટ માટે ઝઘડતા લોકો જોવા મળી આવ્યા છે. આવો જ એક વીડિયો સોશિયલ મીડિયા પર હાલ જોરદાર વાયરલ થઈ રહ્યો છે. જણાવી દઈએ કે બેંગકોકથી આવતી ફ્લાઈટમાં ભારતીય પેસેન્જરોએ માત્ર ઝઘડો જ નહી પણ મારપીટ પણ કરી હતી અને એ સમયે પ્લેનનો ક્રૂ સ્ટાફ સતત તેમને શાંત કરવાનો પ્રયાસ કરી રહ્યા હતા. 

વાયરલ થયો વિડીયો
જણાવી દઈએ કે વાયરલ થયેલ આ વિડીયોમાં બે માણસો એકબીજા સાથે દલીલ કરતા જોઈ શકાય છે જ્યારે વિમાનના ક્રૂ મેમ્બર્સ પરિસ્થિતિને શાંત કરવાનો પ્રયાસ કરી રહ્યા છે. થોડીક જ સેકન્ડોમાં આ ઝઘડો લડાઈમાં ફેરવાઈ જાય છે અને એક માણસ તેના સાથીઓ સાથે સામે રહેલ વ્યક્તિને મારવા લાગે છે. 

વાયરલ થયેલ આ વીડિયોમાં જોવા મળે છે કે વ્યક્તિ તેના ચશ્મા ઉતરે છે અને એ પછી બીજા વ્યક્તિને મારવા લાગે છે. એ સાથે જ માર મારતી વ્યક્તિના મિત્ર પણ સામે વાળી વ્યક્તિને માર મારવા લાગે છે. જો કે વિડીયોમાં જોઈ શકાય છે કે સામે વાળી વ્યક્તિ વળતો પ્રહાર નથી કરતો અને એ માત્ર પોતાનો બચાવ કરે છે. 

#AirRage

Video of a fight between pax that broke out on @ThaiSmileAirway flight

Reportedly on a Bangkok-India flight of Dec 27 pic.twitter.com/qyGJdaWXxC

— Saurabh Sinha (@27saurabhsinha) December 28, 2022

આ સાથે જ વીડિયોમાં કેબિન ક્રૂ અને બીજા મુસાફરો લડાઈ બંધ કરવાનું કહેતા સાંભળી શકાય છે. હાલ આ ઘટના બેંગકોકથી કોલકાતાની ફ્લાઈટમાં બની હોવાનું કહેવાય છે અને આ મામલે થાઈ સ્માઈલ એરવેઝ તરફથી કોઈ પ્રતિક્રિયા આપવામાં આવી નથી. આ સિવાય યુવક પર શું કાર્યવાહી કરવામાં આવી છે તેની પણ કોઈ માહિતી પ્રાપ્ત થઈ નથી. 

ઈન્ડિગો ફ્લાઈટનો વીડિયો પણ થયો હતો વાયરલ 
જણાવી દઈએ કે થોડા સમય પહેલા ઈસ્તાંબુલ-દિલ્હી ફ્લાઈટમાં ઈન્ડિગોની એર હોસ્ટેસનો એક મુસાફર સાથે ઉગ્ર બોલાચાલીનો વીડિયો પણ વાયરલ થયો હતો. અને એ વીડિયોમાં કેબિન ક્રૂનો એક સભ્ય યાત્રીઓને ભોજન પીરસી રહ્યો હતો ત્યારે વિવાદ શરૂ થયો હતો અને એ પછી એર હોસ્ટેસે પેસેન્જરને શાંત કરવાનો પ્રયાસ કર્યો હતો અને એ સાથે જ ક્રૂ સાથે નમ્રતાથી વાત કરવા વિનંતી કરી હતી પણ એર હોસ્ટેસ અને પેસેન્જર વચ્ચે દલીલબાજી વધી ગઈ ત્યારે એર હોસ્ટેસે પેસેન્જરને કહ્યું કે તમે મારી સાથે આ રીતે વાત ન કરી શકો. હું પણ અહીં એક કર્મચારી છું, તમારી નોકર નહીં.