ટેકનોલોજી / જો તમે ગરમીથી બચવા કૂલરનો યુઝ કરો છો તો તેના ઉપયોગ પહેલા તમારે તેના ઘાસની પરિસ્થિતિને ચેક કરી લેવી જોઈયે.

મીડલ ક્લાસ ફેમિલી મોટા ભાગે ઉનાળામાં ગરમીથી બચવા કૂલરનો જ ઉપયોગ કરતા હોય છે. જો તમે તમારા કૂલરની સારી રીતે સાર સંભાળ નથી કરતા તો પછી તે તમારા રુમને ઠંડો નથી કરી શકતુ.અમે તમને કૂલરને યોગ્ય રીતે ચલાવવાની રીત સમજાવીશું જેનાથી તમારુ કૂલર ઠંડી હવા પણ આપશે અને કૂલર જલ્દી ખરાબ પણ નહીં થાય.

ચેક કરી લો ઘાસ

મીડલ ક્લાસ ફેમિલીને કૂલર બગડી જવા પર તેનો ખર્ચો પોસાતો નથી. જેથી તેના ઉપયોગ પહેલા કૂલરની કેટલીક બાબત ચેક કરી લેવી જોઈયે. કૂલરની ઠંડી હવા માટે સૌથી જરુરી તેનું ઘાસ હોય છે. જો ઘાસ બરાબર ના હોય તો કૂલર પ્રોપર રીતે ઠંડી નથી આપતુ. જેથી તમારે સીઝનમાં પ્રથમ વખત ઉપયોગ પહેલા તેના ઘાસની સ્થિતિ ચેક કરી લેવી જોઈયે.

બે વર્ષે બદલો ઘાસ

જો તમારા કૂલરના ઘાસ પર ધૂળ જામી ગઈ હોય તો તેના કારણે કૂલરની હવાનું સર્ક્યૂલર સારી રીતે નથી થતુ. જો હવા ઘાસમાંથી આરપાર પસાર નહીં થાય તો રુમ ઠંડો જ નહીં થાય. અનેક લોકો પોતાના કૂલરનું ઘાસ 3-4 વર્ષ ચલાવે છે. પરંતુ એવુ ન કરવુ જોઈયે. કુલરનું ઘાસ 2 વર્ષ બાદ બદલી દેવુ જોઈયે.

વધુ વાંચોઃ કારના એ ફીચર્સ, જે કદાચ ના હોય તો પણ કામ ચાલી જાય, નથી રહેતી ડ્રાઇવિંગમાં કોઇ જરૂરિયાત!

કૂલરનું ઘાસ કાળુ પડી ગયુ હોય તો તેને બદલી કાઢવું જોઈયે. કૂલરનું ઘાસ 100 રુપિયા સુધી મળી જતુ હોય છે. પરંતુ તમારા આસપાસના માર્કેટમાં તેની કીંમત વધુ પણ હોઈ શકે છે.